Almatyda Nauryz merekesíne oraı ūıymdastyrylǵan auqymdy «Nauryz Sale» aktsıyasy ótíp jatyr. 2026 jyly 13-23 nauryz aralyǵynda qala tūrǵyndary men qonaqtary azyq-túlík pen túrlí tauarlardy 10-30% jeńíldíkpen satyp ala alady, – dep habarlaıdy aqshamnews.kz tílshísí.
Almatylyqtar būl kúnderge arnalǵan sauda josparyn belsendí túrde jasap jatyr. Kópshílík merekege qajettí zattardyń tízímín aldyn ala daıyndap, dastarqanǵa arnalǵan azyq-túlíkten bastap jaqyndaryna arnalǵan syılyqtar men suvenırlerge deıín satyp aluǵa tyrysuda.
«Men et, sút ónímderín, kókóníster men jemísterdí satyp alyp qoıdym, sondaı-aq dostarym men tuystaryma bírneshe syılyq ta aldym. Baǵasy tıímdí, tańdau da jaqsy», — deıdí almatylyq Álıya.
Merekelík dastarqanǵa qajet barlyq jańa jáne sapaly ónímder men syılyqtardy tıímdí baǵamen alyp, Nauryzǵa jaqsylap daıyndaluǵa múmkíndík beredí.
Almatylyqtar mūndaı aktsıyany ūıymdastyrǵany úshín qala bılígíne alǵys bíldíryp otyr. Būl bastama otandyq óndírushílerdí qoldauǵa múmkíndík beríp qana qoımaı, merekege yńǵaıly árí únemdí daıyndaluǵa jaǵdaı jasaıdy. Kópshílík «Nauryz Sale» aktsıyasy Nauryz merekesíníń atmosferasyn aldyn ala sezínuge múmkíndík beretínín atap ótude, al sauda ortalyqtarynyń erekshe bezendíríluí kóktemgí kóńíl kúı syılaıdy.
«Qalanyń óndírushílerdí qoldap, sonymen bírge merekení barshaǵa qoljetímdí etíp otyrǵany óte qūptarlyq», — deıdí almatylyq Erjan.
Atalǵan bastama qazaqstandyq óndírushílerdí qoldauǵa, íshkí saudany damytuǵa jáne qalada merekelík atmosfera qalyptastyruǵa baǵyttalǵan respublıkalyq aktsıya ayasynda júzege asyryluda.
«Nauryz Sale» aktsıyasyna Almatydaǵy írí sauda-oıyn-sauyq ortalyqtary — Forum Almaty, Globus, Mega Park, Aport East, Almaty Mall, Dostyk Plaza, Moskva, Mart, Sputnik Mall jáne Maxima qosyldy. Qazírdíń ózínde būl kúnderí sauda ortalyqtaryna kelushíler sanynyń aıtarlyqtaı artqany baıqalady, būl aktsıyanyń joǵary sūranysqa ıe ekenín kórsetedí.
Tauarlardy tıímdí satyp aludan bólek, qonaqtardy merekelík baǵdarlama da kútedí: taqyryptyq jármeńkeler, kontserttík qoıylymdar, ūlttyq fotoaımaqtar, ınteraktıvtí alańdar jáne balalar men eresekterge arnalǵan oıyndar ūıymdastyrylady. Mádenı baǵdarlamanyń negízgí bólígí 20-23 nauryz aralyǵynda ótedí, alaıda sauda ortalyqtarynda merekelík kóńíl kúı qazírdíń ózínde sezílíp tūr.
«Nauryz Sale» - satyp aludy merekelík kóńíl kúımen úılestíruge múmkíndík beretín erekshe aktsıya. Almatylyqtar tıímdí sauda jasap qana qoımaı, balalarymen bírge qyzyqty baǵdarlamany tamashalap, kontsertter men jarqyn fotoaımaqtardyń atmosferasyn sezíne alady. Būl búkíl otbasy bolyp uaqyt ótkízíp, Nauryzdyń shynaıy merekelík ruhyn sezínudíń tamasha múmkíndígí.