Prezıdent Qasym-Jomart Toqaev respublıkalyq referendumda dauys berdí, – dep habarlaıdy aqshamnews.kz tílshísí.
Memleket basshysy jańa Konstıtutsıya jobasy boıynsha ótken respublıkalyq referendumǵa qatysyp, Oqushylar saraıynda ornalasqan № 51 referendum uchaskesínde dauys berdí.
Prezıdent dauys bergen soń otandyq jáne sheteldík būqaralyq aqparat qūraldarynyń ókílderíne arnalǵan brıfıng ótkízdí.
Qasym-Jomart Toqaev búgín elímízdíń damuy men keleshegí úshín erekshe mańyzdy kún ekenín atap óttí.
"Búgín elímízdíń taǵdyryn aıqyndaıtyn kún. Barshańyzǵa qūtty bolsyn! Shyn mánínde, būl – tarıhı qūjat. Ol azamattarymyzdyń qūqyqtary men bostandyqtaryna kepíldík beredí. Sondyqtan onyń mańyzy óte joǵary. Jańa Konstıtutsıya elímízdíń, jerímízdíń tūtastyǵyn, Táuelsízdígí men Egemendígín qorǵaıdy. 1995 jyly qabyldanǵan Konstıtutsıya erekshe ról atqardy. Elímíz 35 jyl osy qūjatpen ómír súrdí. Bíraq zaman bír orynda tūrmaıdy. Sol sebeptí jańa Konstıtutsıya qabyldaıtyn uaqyt keldí. Būl jūmysqa men de belsene atsalystym. Konstıtutsıyanyń preambulasyn jáne basqa da normalaryn ózím jazdym. Jańa Ata zań el ıgílígíne, keleshegíne qyzmet etedí dep senemín", – dedí Memleket basshysy.
Būdan keıín Prezıdent konstıtutsıyalyq reformanyń negízgí maqsaty men míndetteríne, sondaı-aq halyqaralyq kún tártíbíne qatysty bírqatar saualǵa jauap berdí.