Búgín respublıkalyq referendum kúní Almaty tūrǵyndarynyń belsendílígí joǵary deńgeıde baıqalyp otyr. Keıbír referendum uchaskelerínde tańnan bastap dauys beruge kelgen qala tūrǵyndarynyń kezegí qalyptasty. Otbasylar, dostar jáne áríptester bírge kelíp, tańdauyn jasap jatyr, – dep habarlaıdy aqshamnews.kz tílshísí.
S. A. Qojyqov atyndaǵy №39 lıtseıde ornalasqan №93 uchaske ashylǵan sátten bastap alǵashqy saılaushylardy qabyldady. Al №109 uchaskede dauys beru úderísí tynysh árí ūıymdasqan túrde ótíp jatyr.
«Shın Laın» kompanıyasynyń qyzmetkerlerí de referendumǵa búkíl ūjym bolyp kelíp, azamattyq ūstanym bíldírdí.
Qaladaǵy uchaskelerde merekelík kóńíl kúı de baıqalady. Qalqaman jáne Qaraǵaıly shaǵynaudandaryndaǵy uchaskelerde ūıǵyr dıasporasynyń ókílderí ūlttyq kıím kıíp kelíp dauys beríp, aınalasyndaǵylardyń nazaryn audaryp, erekshe atmosfera qalyptastyrdy.
Al №239 uchaskede dauys beru barysynda superqaharmandar — Supermen, Temír adam, Kapıtan Amerıka jáne Djoker «qatyssa», №175 uchaskede kelushílerdí «Búrkít» beınesíndegí ūzyn boıly quyrshaq qarsy aldy.
Jalpy, Almaty qalasynda referendum ótkízu úshín 653 uchaske jūmys ístep tūr. Dauys beru kúní boıy jalǵasady. Óz uchaskeńízdíń mekenjaıyn bílu jáne saılaushylar tízímíne engízílgeníńízdí tekseru úshín 1308 Call-ortalyǵyna habarlasuǵa, qala ákímdígíníń resmı saıtyna, Open Almaty servısíne nemese Telegram botqa júgínuge bolady.