Almatynyń Nauryzbaı audanyndaǵy referendum uchaskesíne batyrlar keldí, – dep habarlaıdy aqshamnews.kz tílshísí.
Búgín Nauryzbaı audanyndaǵy referendum uchaskeleríníń bíríne batyrlardyń kıímín kıgen tūrǵyndar keldí. Ūlttyq keıípkerlerdíń beınesí dauys berushílerdíń nazaryn bírden audaryp, uchaskede erekshe ruh qalyptasty.
Tūrǵyndar kelgen qonaqtarmen bírge suretke túsíp, mūndaı beıneler ís-sharaǵa merekelík kóńíl-kúı syılaǵanyn atap óttí.
Qatysushylardyń aıtuynsha, olar osylaısha referendumdy qoldap, tūrǵyndardyń kóńílín kóteríp, mańyzdy sheshímderdí bírge qabyldau dástúrín eske saludy maqsat etken.
Olardyń aıtuynsha, erteden-aq mańyzdy máselení halyq aqyldasyp sheshken, sondyqtan ár adamnyń atsalysuy úlken mánge ıe.