Bokstan Olımpıada chempıony Ermahan Ibraımov Almatydaǵy saılau uchaskeleríníń bírínde dauys beríp, respublıkalyq referendumǵa qatysty, – dep habarlaıdy aqshamnews.kz tílshísí.
Sportshy mūndaı sharalarǵa qatysu – azamattyq jauapkershílíktíń mańyzdy bólígí árí eldíń bolashaǵyna áser etetín másele boıynsha ár azamattyń píkírín bíldíruíne múmkíndík ekenín atap óttí.
«Búgín men saılau uchaskesíne otbasymmen bírge keldím. Bíz úshín būl – jaqsy dástúr. Saılau men referendumdardy ótkízíp almauǵa tyrysamyz, ár joly osy jerde – Memlekettík quyrshaq teatry ǵımaratynda ornalasqan uchaskede dauys beremíz. Qasym-Jomart Toqaev atap ótkendeı, Konstıtutsıyaǵa ūsynylyp otyrǵan ózgeríster eldíń odan árí damuyna baǵyttalǵan. Sondyqtan kelíp, tańdauymdy jasau mańyzdy dep esepteımín», – dedí Ibraımov.
Ermahan Ibraımov – 2000 jyly Sıdneıde ótken Olımpıada oıyndarynyń chempıony jáne Qazaqstandaǵy eń tanymal boksshylardyń bírí. Ol otandyq sporttyń damuyna zor úles qosqan.