Qazaqstan qūqyq qorǵau qyzmetí derekter ǵylymymen jasandy ıntellektke súıenetín memleketter qataryna qadam basuda, dep habarlaıdy aqshamnews.kz tílshísí.
Búgín Qazaqstan Respublıkasynyń Bas Prokurory Berík Asylov jasandy ıntellekt salasyndaǵy álemge áıgílí sarapshy Kaı-Fu Lımen jūmys kezdesuín ótkízdí.
Ís-sharanyń basty taqyryby IT-mamandar emes, prokuratura qyzmetkerleríníń ózderí ázírlegen alǵashqy tsıfrlyq jasandy ıntellekt qūraldarynyń tanystyrylymy boldy.
Mūndaı nátıjelerge qazaqstandyq Q.AI kompanıyasymen yntymaqtastyqtyń arqasynda qol jetkízíldí.
20-dan astam prokuror dástúrlí baǵdarlamalau daǵdylarynsyz jasandy ıntellekt negízíndegí sheshímderdí ázírleuge múmkíndík beretín ozyq Vibe Coding ádísí boıynsha qarqyndy oqudan óttí.
Kezdesu barysynda qadaǵalau organynyń basshysy men doktor Kaı-Fu Lıge ekí pılottyq óním tanystyryldy:
Tergeushíníń JI-kómekshísí (qylmystyq shemalar generatory) – qylmystyq íster boıynsha mátíndík anyqtamalardy avtomatty túrde taldap, bírneshe sekund íshínde kórnekí shemalar qūrastyratyn bíregeı algorıtm. Jasandy ıntellekt qylmystyń mán-jaıyn ózdígínen anyqtap, qatysushylar arasyndaǵy jasyryn baılanystardy aıqyndaıdy jáne negízgí dáleldemelerdí júıeleıdí. Paraqorlyq pen jalǵan shot-fakturalarǵa qatysty ísterde synaqtan ótken būl qūral prokurorlardy tehnıkalyq sıpattaǵy kúndelíktí jūmystan bosatyp, uaqytty aıtarlyqtaı únemdeıdí.
Úlken derekterdíń JI-taldaushysy – qylmystyq statıstıkanyń bír jyldyq kólemín nebárí 15 mınut íshínde óńdeı alatyn júıe. Neırojelí qūqyq būzushylyqtardyń túrlerí men demografıyalyq kórsetkíshterín kórnekí túrde beıneleıtín ınteraktıvtí dashbordtar qalyptastyrady. Būl sheshím memlekettík deńgeıde aldyn alu sharalaryn qabyldau úderísín túbegeılí jedeldetuge múmkíndík beredí.
«Búgín bíz Bas prokuraturanyń tsıfrlyq jetílu deńgeıíníń joǵary ekenín kóríp otyrmyz. Qūqyqtyq statıstıka jáne arnaıy esepke alu jóníndegí komıtet on jyl íshínde qoǵam ıgílígí úshín – azamattardy aldyn ala qorǵau men qoǵamdyq qauípsízdíktí qamtamasyz etu maqsatynda paıdalanuǵa bolatyn orasan zor derekter qoryn jınaqtady. Kodtyń bírde-bír jolyn jazbaǵan qyzmetkerler adamnyń múmkíndígínen áldeqaıda joǵary jyldamdyqpen derekterdí óńdeı alatyn ónímder ázírleude», – dedí Kaı-Fu Lı tanystyrylym barysynda.
Kezdesu qorytyndysy boıynsha prokuror-ázírleushílerdí odan árí oqytu, sondaı-aq vedomstvo kólemínde júıelí «JI-qabatyn» engízu úshín basym pılottyq keıstí aıqyndau jónínde uaǵdalastyqtarǵa qol jetkízíldí.
Jasandy ıntellekt salasyndaǵy úzdík sheshímderdíń avtory atanǵan prokurorlarǵa alǵys hattar tabystaldy.
«XXI ǵasyrda basty detektıv algorıtmder bolady. Eger būryn qylmyskerdí sausaq ízí áshkerelese, endí ony mínez-qūlyq modelí áshkereleıdí. Bíz ūrylardyń, qaraqshylardyń jáne zorlyq-zombylyq jasaushylardyń kúmándí mínez-qūlyq úlgílerín anyqtau úshín beıne aǵyndardy taldau múmkíndígíne jaqyndap kelemíz. Qylmysker júzín jasyra alady, bíraq ózíníń mínez-qūlqyn jasyra almaıdy. Osylaısha qylmystyń aldyn alu jáne jazanyń būltartpastyǵyn qamtamasyz etu tetíkterí kúsheıedí. Zańnyń aldyn ala áreket etu múmkíndígí artady», – dep atap óttí Berík Asylov kezdesudí qorytyndylaı otyryp.
2026 jyl Qazaqstanda Tsıfrlandyru jáne jasandy ıntellekt jyly bolyp jarıyalandy. Būl kezdesu men onda ūsynylǵan barlyq sheshímder Memleket basshysynyń memlekettík ınstıtuttardy jańǵyrtu jáne memlekettík basqaru sapasyn arttyru úshín ozyq tehnologıyalardy paıdalanu jóníndegí tapsyrmalarynyń naqty júzege asuy bolyp tabylady.