APEC PetroTechnic joǵary kolledjí bazasynda AI Lab+ jasandy ıntellekt zerthanasy íske qosyldy.
Jańa bílím beru alańy Qazaqstanda tsıfrlyq tehnologıyalar men jasandy ıntellekttí damytuǵa baǵyttalǵan memlekettík sayasattyń mańyzdy qadamyna aınaldy, – dep habarlaıdy aqshamnews.kz tílshísí.
Memleket basshysy Qasym-Jomart Toqaev 2026 jyldy tsıfrlyq tehnologıyalar men jasandy ıntellekttí damytuǵa basymdyq beríletín kezeń retínde aıqyndap, būl baǵyttyń el ekonomıkasy men tehnologıyalyq ílgeríleuíndegí strategıyalyq mańyzyn atap ótken bolatyn.
AI Lab+ zerthanasynyń ashyluy Qazaqstan men Qytaı arasyndaǵy bílím beru salasyndaǵy yntymaqtastyqtyń naqty nátıjesí boldy. Qazírgí uaqytta ekí el arasynda studentter almasu, bírlesken ǵylymı jobalardy júzege asyru, sondaı-aq «Tsıfrlyq Jíbek joly» baǵytynda bastamalardy damytu boıynsha júıelí jūmystar júrgízílíp keledí.
AI Lab+ zerthanasy studentterdíń jasandy ıntellekt, robototehnıka, kompyuterlík kóru jáne basqa da tsıfrlyq tehnologıyalar salalaryndaǵy praktıkalyq daǵdylaryn damytuǵa baǵyttalǵan. Mūnda bílím alushylar óndírístík ortaǵa barynsha jaqyn jaǵdaıda tájírıbe jınaqtaı alady.
Zerthana bírneshe zamanauı oqu-zerthanalyq keshendermen jabdyqtalǵan. Atap aıtqanda, jasandy ıntellekt qūrylǵylaryna arnalǵan keshen studentterge beıne men dybysty tanu, sondaı-aq «aqyldy kampus» júıelerín ázírleudí meńgeruge múmkíndík beredí. Al robottalǵan baqylau keshení óndírístík protsesterdí modeldeuge jaǵdaı jasaıdy. Sonymen qatar, ROS negízíndegí avtonomdy kólík platformasy mobıldí robottar men avtonomdy basqaru júıelerín tájírıbe júzínde zertteuge jol ashady.
AI Lab+ zerthanasy studentter úshín ǵylymı-zertteu jáne qoldanbaly jobalardy íske asyratyn tıímdí alańǵa aınalyp, elímízdíń tsıfrlyq transformatsıyasyna úles qospaq.