Qazaqstan Respublıkasynyń Íshkí íster mınıstrlígí shet memleketterdíń qūqyq qorǵau organdarymen bírlesíp júrgízgen auqymdy arnaıy operatsıya barysynda adamdardy esírtkí bıznesíne tartudyń transūlttyq shemasyn joıdy, – dep habarlaıdy aqshamnews.kz tílshísí.
Anyqtalǵandaı, ūıymdastyrushylar shetelde otyryp, ınternet-resurstar arqyly “jalaqysy joǵary jūmys” turaly jarnama taratqan.
Zańdy jūmystyń atyn jamylyp, azamattardy zańsyz esírtkí aınalymyna tartqan.
Olar oryndaushylarǵa arnaıy koll-ortalyqtar arqyly nūsqau beríp otyrǵan.
Elímízdíń 11 óńírínde Qazaqstannyń 40 azamaty ūstaldy. Esírtkí taratuǵa qatysy bar 11 adam qamaldy.
Odan bólek, taǵy 9 adam esírtkí tūtynǵany úshín jauapqa tartyldy.
Operatsıya barysynda sıntetıkalyq esírtkí, kompyuterlík tehnıka, bank kartalary, smartfondar jáne basqa da aıǵaqtar tárkílendí.
Būl baǵyttaǵy jūmys jalǵasyp jatyr.