Almatyda 14 nauryzdan bastap «Nauryznama» tūjyrymdamasy ayasynda Nauryz meıramyna arnalǵan auqymdy mádenı-kópshílík ís-sharalar ótíp jatyr. Bıyl qala boıynsha 200-den astam ís-shara ūıymdastyrylǵan, – dep habarlaıdy aqshamnews.kz tílshísí.
Merekelík negízgí alańdar – Astana alańy, Abaı alańy, Jíbek joly dańǵylynyń júrgínshíler aımaǵy jáne Panfılov kóshesí.
Audandardaǵy merekelík oryndar:
Alatau audany – ALMATY ARENA sport kesheníníń aldyndaǵy alań (21 nauryz, 11:00–16:30)
Almaly audany – M. Gandı atyndaǵy sayabaq (21 nauryz, 12:00–16:00)
Áuezov audany – Saıran kólíníń batys jaǵalauy (21 nauryz, 11:00–16:30)
Bostandyq audany – Tūńǵysh Prezıdent sayabaǵy (21–22 nauryz, 13:00–16:00)
Jetísu audany – Almaty ıppodromy (21 nauryz, 11:00–17:00)
Medeu audany – Pushkın kóshesíndegí júrgínshíler alleyasy (21 nauryz, 11:00–15:00)
Túrksíb audany – S. Seıfullın atyndaǵy sayabaq (21 nauryz, 10:00–16:00)
Nauryzbaı audany – №221 mektep aumaǵy (21 nauryz, 11:00–16:30)
Negízgí merekelík ís-sharalar 21-23 nauryz aralyǵynda ótedí. Būl kúnderí qala tūrǵyndary men qonaqtaryna arnalǵan keń auqymdy merekelík baǵdarlama ūsynylady: kontsert, teatrlandyrylǵan qoıylym, kórme, mádenıet qaıratkerlerímen kezdesu, sondaı-aq qazaq halqynyń dástúrlí salt-dástúrí kórsetíledí.
21 nauryz
21 nauryz qalanyń basty merekelík orny — Astana alańy kóktemgí kóńíl kúıdíń, mádenıet pen erekshe emotsıyanyń ortalyǵyna aınalady. Saǵat 11:00-den 22:00-ge deıín mūnda muzyka, teatr, óner jáne mádenıet qaıratkerlerímen kezdesudí toǵystyrǵan auqymdy merekelík baǵdarlama ótedí.
Tańnan bastap qonaqtar mazmūndy kontserttík baǵdarlama, kórkem teatrlandyrylǵan qoıylym men ūlttyq dástúrler men zamanauı shyǵarmashylyqtyń baılyǵyn tanytatyn taqyryptyq kórmege kuá bolady. Alań keńístígí túrlí ınteraktıvtí aımaqtar arqyly jandana túsedí.
Būl kúní otandyq estrada jūldyzdary qatysatyn gala-kontsert bolady. Sahnada Medeu Arynbaev, Sáken Maıǵazıev, Nūrjan Kermenbaev, Ernar Aıdar, Jarqynaı Hanaıym, Alen Samyqenov, Ábík Jeksen, Jūldyz Ómírǵalı, Dınaya, Saltanat Baqaeva, Móldír Áuelbekova, Áset Esjan, Ázímbek Baılın, Erden Jaqsybek, Mūhtar Hanzada, Nūrsūltan Nūrberdıev, Talǵat Kúzembaev, Nūrmūhammed Jaqyp, sondaı-aq «Dos-Mūqasan», «Ūlytau», «KeshYOU» jáne «Alashūly» toptary óner kórsetedí.
Keshtíń sharyqtau shegí — arnaıy qonaq retínde ázírbaıjandyq ánshí Roza Zergerlı óner kórsetedí. Ol kórermenderge ūmytylmas áser syılap, erekshe energıyasymen merekelík keshtíń kórkín qyzdyrady.
Astana alańynda 6 taqyryptyq kıíz úı tígíledí:
1. «Ūly dala áuení» kıíz úıí — mūnda Abaı, Jambyl, Dına, Aqan serí, Bírjan sal syndy kórnektí tūlǵalardyń muzykalyq aspaptarynyń ekspozıtsıyalary (kóshírmelerí) ūsynylady.
2. Robo-kıíz úı — kelushíler nazaryna pıkselder arqyly beıne jasaıtyn, qaǵaz ūshaqtardy ūshyratyn, turnıkke tartylatyn robottar, sondaı-aq Dúnıejúzílík ǵarysh olımpıadasyna daıyndalǵan zymyran úlgílerí tanystyrylady.
3. DIGITAL 360 KÓRÍNÍS kıíz úıí — aınalmaly jáne edendík LED-ekrandarmen, arnaıy dybystyq effektílermen jabdyqtalǵan keńístík. Mūnda kelushíler Shymbūlaqtaǵy qardyń syqyryn estíp, ekrannan tau betkeıínde syrǵanap júrgen snoubordshylar men qar barysyn kóre alady. Qonaqtar Medeu men Shymbūlaqtyń kórkem tabıǵatymen, saq qorǵandarymen, qalanyń úzdík meıramhanalarymen vırtualdy túrde tanysyp, almatylyq aport — Sıvers almasynyń tarıhy turaly bíle alady.
4. «Saq mūrasy» arheologıyalyq kıíz úıí — Qyrym Altynbekov negízín qalaǵan ǵylymı-restavratsıyalyq zerthananyń suretshí-restavratory daıyndaǵan ǵylymı rekonstruktsıyalar kórmesí ūsynylady. Ekspozıtsıya saq dáuíríníń arheologıyalyq mūrasyna arnalǵan.
5. «Dástúr kody» etno-dızaın kıíz úıí — almatylyq sheber, dástúrlí «bíz keste» óneríníń ókílí Zeınelhan Mūhamedjanūlynyń tuyndylary, etno-dızaıner Aıda Kaumenovanyń toptamalary jáne Almaty muzeıí qorynan zergerlík būıymdar qoıylady.
6. «Mūra» ūlttyq mádenıet kıíz úıí — mūnda ūly qazaq aqyndaryna arnalǵan teatrlandyrylǵan kórínís pen poetıkalyq qoıylym ūsynylady.
Merekelík kóńíl kúı Abaı alańyn da qamtıdy. Mūnda 21 nauryz kúní saǵat 12:00-den 22:00-ge deıín qala tūrǵyndary men qonaqtaryna arnalǵan mazmūndy árí auqymdy baǵdarlama ūıymdastyrylady.
Kúní boıy qonaqtar mádenı, oıyn-sauyq jáne sporttyq ís-sharalarǵa kuá bolady. Alań merekelík ruhty sezíngísí keletínderdíń basyn qosatyn ortalyqqa aınalyp, mūnda túrlí kórmeler, festıvalder, ınteraktıvtí belsendílíkter, sporttyq oıyndar men kópshílík seruender ótedí.
Merekeníń muzykalyq ózegí — tanymal artıster men shyǵarmashylyq ūjymdar qatysatyn kontserttík baǵdarlama bolmaq. Sahnada Aıgúl Úlkenbaeva, Arkaiym toby, Il canto jáne La Bella kvartetterí, Móldír Áuelbekova, Nūrsūltan Nūrberdıev, sondaı-aq zamanauı oryndaushylar Kyle ruh, Nurbullin, Sábıra Sadyrqojaev, Aıbar Sanbaı, «Águgaı» ansamblí, «Sardar» etno-ansamblí, «Saq» toby, Nursad, Aikentai, AyaFUNK, Astra, Moonlight, Amalyat, «Alfa» toby jáne Ayree óner kórsetedí.
Sonymen qatar, 21-23 nauryz Abaı alańynda Túrkí álemí halyqtarynyń kórme-jármeńkesí ótedí. Túrkıya, Ázírbaıjan, Tájíkstan, Ózbekstan, Qyrǵyzstan jáne Qazaqstannan kelgen qolóner sheberlerí bíregeı būıymdaryn ūsynady. Kórme-jármeńkede qonaqtar Ázírbaıjannyń qolmen toqylǵan kílemderí men vıtrajdyq órnekterín, Túrkıyanyń áıgílí keramıkasyn, Ózbekstannyń Rıshtan kógíldír keramıkasyn, Tájíkstannyń syuzane jáne chakan būıymdaryn, Qyrǵyzstannyń kıízden jasalǵan shyrdaqtaryn, sondaı-aq Qazaqstannyń tekemet, basqūr, qūraq būıymdary men zergerlík óner tuyndylaryn jáne basqa da ūlttyq mūralardy tamashalaı alady.
Qalanyń eń kóríktí júrgínshíler aımaqtarynyń bírí Jíbek joly – Panfılov kóshelerí boıyn da merekelík kóńíl kúı kerneıdí. Mūnda 21-23 nauryz saǵat 11:00-den 19:00-ge deıín qonaqtarǵa arnalǵan jarqyn árí serpíndí baǵdarlama ūsynylady.
Kúní boıy būl keńístík zamanauı jáne dástúrlí óner toǵysqan erekshe alańǵa aınalady. Qala tūrǵyndary men qonaqtary úshín túrlí mazmūndy belsendílíkter ūıymdastyrylady.
Kelushílerdí Robo DJ-díń erekshe shouy, Serpin etno-folklorlyq ansamblíníń oryndauyndaǵy «NAURYZ: Qazaq Sound» kontserttík baǵdarlamasy kútedí. Kúnníń sharyqtau shegí — áserlí «Dream Light» jaryq shouy bolmaq.
21-22 nauryz (10:00–18:00) Arbatta dástúrlí «KítapFest-2026» kítap festıvalí ótedí. Onda 40 baspanyń tańdauly tuyndylary ūsynylyp, belgílí jazushylarmen ádebı kezdesu, sondaı-aq ūlttyq jáne shyǵarmashylyq baǵyttaǵy sheberdíń sabaqtary ūıymdastyrylady. Festıvaldíń basty erekshelígí, tsıfrlandyru jáne jasandy ıntellekt jyly ayasynda qūrylǵan Smart Yurt kıíz úıí.
21-23 nauryz aralyǵynda Panfılov júrgínshíler kóshesínde zamanauı qazaqstandyq suretshílerdíń keskíndeme jáne fotosuret ónerín bíríktírgen ashyq aspan astyndaǵy auqymdy kórme ūıymdastyrylady. Qala tūrǵyndary men qonaqtary belgílí qazaqstandyq qylqalam sheberleríníń tuyndylaryn tamashalaı alady. Būl jūmystarda qazaq halqynyń dástúrí men tūrmysy, kóshpelí mádenıet, dala beınesí men kúndelíktí ómír kórínísterí kórkem árí tereń beınelengen.
Sondaı-aq, osy kúnderí mūnda «Ūly dalanyń ǵajaıyptary» atty respublıkalyq etno-kórme ótedí. Kórmede qazaqstandyq avtorlardyń dástúr, mádenıet, tabıǵat jáne etnıkalyq mūrany beıneleıtín fotosuretterí ūsynylady. Ekspozıtsıya elímízdíń baı mádenı mūrasyn jetekshí fotograftardyń obektıví arqyly tanyp-bíluge múmkíndík beredí.
Osy alańda tūrǵyndar men qonaqtar úshín zamanauı ınteraktıvtí alleya ūsynylady: LED-ekrandarda «Jetí qazyna» sımvoldary kórsetílíp, Nauryz merekesíníń baǵdarlamasy tanystyrylady jáne qaladaǵy negízgí lokatsıyalar boıynsha navıgatsıya qamtamasyz etíledí. Sonymen qatar «Almaty AI – Bolashaqqa sayahat» atty LED-tunnel jūmys ísteıdí. Būl Almaty qalasyn jasandy ıntellekt kózqarasymen tanytatyn bíregeı keńístík. Būdan bólek, ashyq aspan astynda «Halyqtyq karaoke» formatyndaǵy 4 karaoke alańy ūıymdastyrylady.
22 nauryz
22 nauryz saǵat 11:00-den 22:00-ge deıín Astana alańynda auqymdy merekelík baǵdarlama ūıymdastyrylady. Baǵdarlama ayasynda kontserttík qoıylym, kópshílík seruen, kórme jáne ózge de mádenı ís-sharalar ótedí.
Kontserttík baǵdarlamada Álísher Kárímov, Marsel, Turar, Belluci, Nūrjan Abaı, Ajar Nazar, Ílıyas Qabdyraı, Ray, Baha, Sanzhar Jumasitov, Astra, Zhenis, Jasūlan Kópbergen jáne basqa da óner jūldyzdary sahna tórínen kórínedí.
Sol kúní saǵat 11:00-den 21:30-ǵa deıín Abaı alańynda da keń auqymdy merekelík baǵdarlama ūsynylady. Mūnda kontsert, halyqtyq seruen men kórme ūıymdastyrylady.
Abaı alańynda «Dos-Mūqasan» toby, Álísher Qonysbaev, Baljan Bıdash, Aıqyn, Tólepbergen, Álı Oqapov, Nūrjan Kermenbaev, «KeshYOU» toby, Ademi, Axallek jáne ózge de oryndaushylar óner kórsetedí.
Jíbek joly – Panfılov júrgínshíler aımaǵynda saǵat 12:30-dan 19:00-ge deıín «Jeldírme» dástúrlí muzyka kontsertí, quyrshaq teatrynyń qoıylymdary, Robo DJ shouy jáne «Dream Light» jaryq shouy ūıymdastyrylady.
23 nauryz
23 nauryz Astana alańynda merekelík baǵdarlama saǵat 11:00-den 18:00-ge deıín jalǵasady. Sahnada Dıdar Káden, Saya Mahambet, Dáuít Tūrǵynálí, Balausa Erǵalına, Aıdar Abdrahmanov, Jaqyp Nūrmūhammed, Maıdan Aımauyt, Bostan Nūrdáulet, Tūrdaly Dastan jáne kópjanrly «Parasat» etno-ansamblí óner kórsetedí.
Abaı alańynda saǵat 11:00-den 21:30-ǵa deıín auqymdy merekelík baǵdarlama ūıymdastyrylady. Baǵdarlama ayasynda kontsert, kópshílík seruen, kórme jáne basqa da mádenı ís-sharalar ótedí.
Kontsertte Roza Rymbaeva, Aıdana Medenova, Jūbanysh Jeksenūly, Dakelot, Sanzhar, 404 toby, «Dervıshı» ansamblí, «Dudaraı» toby, Tílek Bazarov, Rano, Botagóz Ǵazızqyzy, «Tūmar» toby, «Jūmyr qylysh» toby, Ersūltan Stamǵazıev, Bolat Qūsaıynov, Alua Erbolatqyzy jáne ózge de artıster óner kórsetedí.
Jíbek joly – Panfılov júrgínshíler aımaǵynda saǵat 12:00-den 19:00-ge deıín túrlí ís-sharalar ūıymdastyrylady: quyrshaq teatrynyń qoıylymdary, Robo DJ shouy jáne «Dream Light» jaryq shouy ótedí.
Sonymen qatar, 21-25 nauryz aralyǵynda «Alatau» dástúrlí óner teatry aumaǵynda (Nūrkent shaǵynaudany, 6) kóshpelí shapıto formatyndaǵy «Nauryz shou» tsırktík baǵdarlamasy ótedí.
Baǵdarlamaǵa Reseı, Ukraına jáne Qazaqstannan kelgen úzdík artıster qatysady: gımnastar, akrobattar, úıretílgen ıtter, ekvılıbrıster men áue gımnastary óner kórsetedí. Sondaı-aq tsırktík qoıylymǵa Mūrat Mūtyrǵanov qatysady.
21-23 nauryz aralyǵynda Almaty qalasy muzeıler bírlestígí men Qazaqstan Respublıkasynyń Ūlttyq ortalyq muzeıí metropolıten beketterínde fotokórme ūıymdastyrady. Nauryz meıramyn merekeleu ayasynda jolaushylarǵa qazaq halqynyń dástúrí men mádenıetín beıneleıtín fotosuretter ūsynylady.
Jerasty kólígíníń jolaushylary fotokórme arqyly Qazaqstannyń tarıhy men ūlttyq mūrasymen jaqynyraq tanysa alady.
Fotokórme «Jíbek Joly», «Almaly», «Saıran», «Saryarqa» beketterínde saǵat 09:00-den 21:00-ge deıín jūmys ísteıdí.