2026 jyldyń basynan berí Qazaqstanda qyzylshanyń 1950-den astam jaǵdaıy tírkeldí. Aurushańdyq kórsetkíshí ósíp keledí, syrqattanǵandardyń basym bólígí — balalar. Densaulyq saqtau mınıstrlígíníń málímetíne sáıkes, olardyń kópshílígí qyzylshaǵa qarsy ekpe almaǵan.
Statıstıka vaktsınatsıyanyń bolmauy men jūqtyru qaupíníń arasynda tíkeleı baılanys bar ekenín kórsetedí. Auyrǵandardyń shamamen 79%-y ekpeníń bírde-bír dozasyn almaǵan. Taǵy 18%-y tek bír ret egílgen, al nebárí 3%-y ekí dozadan tūratyn tolyq kurstan ótken. Dárígerlerdíń aıtuynsha, ūjymdyq ımmunıtet deńgeıíníń tómendeuí ınfektsıyanyń jyldam taraluyna sebep bolǵan.
Balalardyń qorǵanyshsyz qalu sebepteríníń íshínde ata-analardyń sanaly túrde bas tartuy aldyńǵy orynda — mūndaı jaǵdaılar 59%. Taǵy 27% — josparly vaktsınatsıya jasyna álí jetpegen sábıler, al 14% — uaqytsha medıtsınalyq qarsy kórsetílímí bar balalar.
Almaty qalasyndaǵy №1 perzenthananyń dáríger-epıdemıology Madına Tuasheva aıtuynsha, sońǵy jyldary elde qyzylsha vırusyna qarsy ımmunıtetí joq adamdardyń sany kóbeıíp ketken. Auyrǵandardyń shamamen 92%-y — 14 jasqa deıíngí balalar. Eń osal top — bír jastan tórt jasqa deıíngí sábıler, olar barlyq tírkelgen jaǵdaılardyń shamamen 75%-yn qūraıdy.
Qazírgí tańda el boıynsha jospardan tys ımmundau sharalary júrgízílude. Erte jastaǵy balalarǵa erekshe kóńíl bólínude. Dárígerler 6 aıdan 11 aıǵa deıíngí sábılerge «nóldík dozany» ūsynady. Būl bír jasta jasalatyn josparly ekpege deıíngí eń qauíptí kezeńde balany qorǵauǵa múmkíndík beredí. Sonymen qatar 18 jasqa deıíngí balalar men medıtsına qyzmetkerleríníń vaktsınatsıya derekterí qaıta qaraluda. Eger ekpe salynbaǵan bolsa nemese málímetterí joǵalǵan jaǵdaıda, mamandar ımmundaudan múmkíndígínshe tezírek ótudí ūsynady.
Qyzylshanyń qauíptílígí — bastapqy kezeńde ony auyr jedel respıratorlyq vırustyq ınfektsıyamen shatastyru ońaı. Auru joǵary temperaturamen (keıde 39–40 gradusqa deıín), qatty jótelmen, mūrynnan su aǵumen, kózdíń qyzaruymen jáne jaryqqa sezímtaldyqpen bastalady. Alaıda qyzylshaǵa tán belgí bar: bórtpe shyqqanǵa deıín bír-ekí kún būryn ūrttyń íshkí betínde ūsaq aq daqtar paıda boluy múmkín. Keıín bórtpe bírtíndep taralady: aldymen bette jáne qūlaqtyń artynda, sodan soń denede, keıín qol men ayaqta kórínedí.
Qyzylshaǵa kúdík tuǵan jaǵdaıda dárígerler balany óz betínshe emhanaǵa aparmauǵa keńes beredí. Būl ózge balalar men eresekterdíń jūqtyruyna sebep boluy múmkín. Dūrys sheshím — dárígerdí úıge shaqyru.
«Qyzylsha — qauípsíz “balalar ınfektsıyasy” emes. Ol auyr pnevmonıyaǵa, mı qabynuyna jáne densaulyqqa eleulí, keıde qaıtpaıtyn saldarǵa ákeluí múmkín. Senímdí qorǵanys — vaktsınatsıya. Qyzylsha, qyzamyq jáne parotıtke qarsy bíríktírílgen vaktsına ondaǵan jyl boıy qoldanylyp keledí, onyń qauípsízdígí tájírıbemen dáleldengen jáne Qazaqstanda barlyq emhanalarda tegín, qoljetímdí», — dep atap óttí №1 perzenthananyń dáríger-epıdemıology Madına Tuasheva.
Mamandar ata-analarǵa balanyń vaktsınatsıya mártebesín eGov qosymshasy arqyly tekseruge nemese pedıatrdan naqtylauǵa keńes beredí. Aurushańdyq ósíp tūrǵan kezeńde būl máselení keıínge qaldyruǵa bolmaıdy. Uaqytyly salynǵan ekpe — balalardy qauíptí ınfektsıyadan qorǵaudyń eń tıímdí joly.
