Kóktemgí sessıya barysynda konstıtutsıyalyq reformalarǵa, ınflyatsıyaǵa, halyq tabysynyń dınamıkasyna jáne syrtqy tūraqsyzdyq jaǵdaıyndaǵy ekonomıkalyq ósu kózderíne basty nazar audaryldy, – dep habarlaıdy aqshamnews.kz tílshísí.
Qazaqstannyń konstıtutsıyalyq reformasy Premer-mınıstrdíń orynbasary – ūlttyq ekonomıka mınıstrí Serík Jūmanǵarınníń Vashıngtondaǵy S&P, Moody's jáne Fitch reıtıngtík agenttíkterí úlken úshtígí ókílderímen kezdesuíníń negízgí taqyrybynyń bíríne aınaldy.
Halyqaralyq reıtıngtík agenttíktermen jyl saıynǵy konsultatsıyalar dástúrlí túrde aǵymdaǵy makroekonomıkalyq jaǵdaıdy baǵalau jáne eldíń nesıelík reıtıngíne áser etetín faktorlardy talqylau úshín ótkízíledí.
Serík Jūmanǵarın atap ótkendeı, qazírgí ekonomıkanyń tūraqty damuy tek resurstardy ǵana emes, eń aldymen tıímdí ınstıtuttardy, boljamdylyq pen senímdí talap etedí. Būl qaǵıdattar elímízdíń jańa Konstıtutsıyasynda bekítílgen. Basymdyqtar qatarynda memleket qyzmetíníń strategıyalyq baǵyty retínde bílím beru, ǵylym, ınnovatsıya jáne adamı kapıtaldy damytu bar. Shyn mánínde, elímízdíń jańa Negízgí zańynda ıntellekt, tehnologıya men kásíbılík arqyly básekege qabílettílík qalyptasatyn bílím ekonomıkasynyń negízí qalanǵan. Sondaı-aq menshíktíń barlyq nysanyn teń qorǵau bekítílgen. Būl – ınvestıtsıyalyq ahual men bıznestí damytu úshín mańyzdy.