Atyrau oblysynda joǵalǵan otbasynyń ūly Nauryz Mūqanǵalıev pen qyzy Mıramgúl Qarabılına jer qoınyna tapsyryldy, – dep habarlaıdy aqshamnews.kz tílshísí.
Bauyrlardyń janazasy Qyzylqoǵa audanyna qarasty Jangeldın auylynda óttí. Marqūmdarmen qoshtasuǵa auyl tūrǵyndarynyń basym bólígí jınalǵan.
"Aǵasy men qaryndasy qarapaıym, meıírímdí jandar edí. Árdaıym barymen bólísuge daıyn bolatyn. Eshkímge jamandyq jasaǵan joq. Ekeuín de ata-anasynyń janyna jerledík", – dedí tuystarynyń bírí.
Eske salaıyq, Atyrau oblysynda joǵalǵan otbasynyń ūl-qyzy da ólí tabyldy.
Basylym málímetínshe, qala mańyndaǵy Geolog shaǵynaudanynan Jangeldın auylynyń joǵalǵan tūrǵyndary - Nauryz jáne Meıramgúl ólí tabylǵan.
"Olar būryn kúdíktí Sūltan Sarsemalıev áıelímen bírge jaldap tūrǵan úı aulasynan tabyldy. Keshe Sūltan men onyń áıelí Aqbayan Almatyǵa jetkízíldí. Almatyda Sūltan Sársemalıev Nauryz ben Meıramgúldí óltírgenín moıyndap, būǵan deıín Geolog shaǵynaudanynda jaldap tūrǵan úıdíń aulasyna máıítterdí kómgenín aıtqan", - dep jazylǵan basylym deregínde.
Osy aqparatty alǵannan keıín Atyrauda tergeushíler aıtylǵan uchaskení taǵy da zerttep, olardyń denesín tapqan. Al Atyrau oblysy Polıtsıya departamentí aqparat keıínírek beríletínín málímdedí.
Otbasy turaly ne belgílí?
66 jastaǵy Maqsot Qarabalın men 64 jastaǵy jūbaıy Atyrau oblysynyń Jangeldın auylynda tūrǵan. Tuystarynyń aıtuynsha, erlí-zaıyptynyń úshínshí toptaǵy múgedektígí bolǵan jáne mal sharuashylyǵymen aınalysqan. Olardyń úsh balasy bar - ekí qyzy men bír ūly.
2025 jyldyń 25 jeltoqsanynda polıtsıyaǵa tuystary otbasy joǵalyp ketkení turaly habarlaǵan. Qūqyq qorǵau organdary málímetínshe, jergílíktí tūrǵyn ózíníń aǵasy, onyń jūbaıy jáne ekí eresek balasy, yaǵnı 32 jastaǵy ūly Nauryz ben 35 jastaǵy qyzy Meıramgúl qarashadan berí baılanysqa shyqpaı júrgenín aıtqan.
Keıín otbasy úıínen shyǵyp ketkení, sodan berí olardyń qaıda ekení turaly eshqandaı aqparat bolmaǵany belgílí boldy.
6 qańtarda polıtseıler zeınetker erlí-zaıyptynyń máıítín tapty. Osydan keıín qūqyq qorǵau organdary qylmystyq ís qozǵady.