Almaty qalasynda Jastar sayasaty basqarmasynyń qoldauymen student jastarǵa arnalǵan «Jas Gala» qalalyq festıvalí ūıymdastyrylady, – dep habarlaıdy aqshamnews.kz tílshísí.
Almaty qalasy Jastar sayasaty basqarmasynyń qoldauymen jáne «Almaty studentter Alyansy» korporatıvtík qorynyń ūıymdastyruymen qalalyq studenttík kóktem — «Jas Gala» festıvalí ótedí.
Festıvaldíń negízgí maqsaty — unıversıtettík dástúrlerdí nyǵaıtu, studentterdí shyǵarmashylyq arqyly bíríktíru jáne daryndy jastardy qoldau. Sondaı-aq joba ayasynda shyǵarmashyl, talantty jastardy anyqtap, olardyń kásíbı damuyna jol ashu, adamgershílík qūndylyqtardy, estetıkalyq jáne ıntellektualdyq talǵamdy damytu kózdelgen.
Baıqau bes baǵyt boıynsha ótedí. Olar: vokal, horeografıya, mobılografıya, aspaptyq oryndau jáne teatr.
Festıvalge Almaty qalasyndaǵy joǵary oqu oryndarynyń studentterí qatysady. Ís-shara ayasynda qatysushylar úshín sheberlík sabaqtary men motıvatsıyalyq kezdesuler de ūıymdastyrylady.
Baıqau qorytyndysy boıynsha jeńímpazdardy saltanatty marapattau rásímí ótíp, kontserttík baǵdarlama ūsynylady.
Festıvaldíń jalpy júlde qory - 7 500 000 teńge.
Al ár baǵyt boıynsha óner maıtalmandary, mádenıet salasynyń ókílderí, óner jūldyzdary men qoǵam qaıratkerlerí qazylyq etedí.