Elímízdíń tranzıttík áleuetín arttyru jáne tranzıttík tasymal kólemín 55 mln tonnaǵa deıín jetkízu jóníndegí Qazaqstan Respublıkasy Prezıdentíníń tapsyrmalaryn íske asyru ayasynda Qazaqstan Respublıkasy Kólík mınıstrí Ózbekstan Respublıkasynyń Kólík mınıstrímen temírjol tasymaly salasyndaǵy yntymaqtastyqty árí qaraı damytu máselelerí boıynsha kezdesu ótkízdí, - dep habarlaıdy Aqshamnews.kz.
Kezdesu barysynda taraptar Qazaqstan men Ózbekstan arasyndaǵy temírjol qatynasynyń strategıyalyq mańyzdylyǵyn, onyń sauda-ekonomıkalyq baılanystardy, halyqaralyq tranzıttí jáne aımaqtyq kólík ıntegratsıyasyn damytudaǵy negízgí rólín, sondaı-aq tasymal kólemín ūlǵaıtuǵa jáne logıstıkalyq baǵyttardyń tıímdílígín arttyruǵa úlken áleuetí bar ekenín atap óttí. 2025 jylǵy nátıjeler boıynsha ekí el arasyndaǵy temírjol tasymaly kólemí 32,3 mln tonnany qūrap, 2024 jylmen salystyrǵanda 16%-ǵa artty.
Tasymal kólemín tūraqty arttyru jáne kelísílgen ótkízu qabíletí parametrleríne qol jetkízu maqsatynda taraptar Saryaǵash, Oazıs jáne Syrdarıya túıíspelerínde ınfraqūrylymdy damytu, sonyń íshínde Darbaza–Maqtaral uchaskesín qamtıtyn negízgí jobalardy ayaqtau kózdelgen Bírlesken ís-sharalar josparyn ázírledí.
Anyqtama:
Saryaǵash túıíspesínen qazírgí uaqytta táulígíne 36 jūp poıyz ótude (jospar – 40-qa deıín), Oazıs arqyly – 2 jūp poıyz (jospar – 10-ǵa deıín), Syrdarıya arqyly – Darbaza–Maqtaral uchaskesí íske qosylǵannan keıín táulígíne 10 jūp poıyz.
Keńes barysynda ınfraqūrylymdyq jáne jóndeu jūmystaryn úılestíru, baqylau rásímderín jetíldíru, tehnologıyalyq ózara ís-qımyldy ońtaılandyru jáne tasymal protsesíníń jalpy tıímdílígín arttyru máselelerí de qaraldy.
Kezdesu qorytyndysy boıynsha taraptar yntymaqtastyqty árí qaraı keńeıtuge jáne tasymal kólemín kezeń-kezeńímen arttyruǵa ózara múddelílígín rastady.