Elímízdíń Syrtqy íster mınıstrlígí qatań eskertedí, – dep habarlaıdy aqshamnews.kz tílshísí.
Tayau Shyǵystaǵy áskerı qaqtyǵystardyń shıelenísuíne baılanysty elímízdíń Syrtqy íster mınıstrlígí jaǵdaı tolyq tūraqtanǵansha tómendegí elderge barudan uaqytsha bas tartu kerek deıdí.
Tízímge engen 14 memleket:
Bahreın, Mysyr, Izraıl, Iemen, Iordanıya, Irak, Iran, Qatar, Saud Arabıyasy, Kuveıt, Lıvan, BAÁ, Oman, Sırıya.
Ne ísteu kerek?
Jaı ǵana qūlaq asu kerek. Sebebí mınıstrlíktíń eskertuíne qaramastan, atalǵan aımaqtarǵa álí de saparlap shyǵyp ketuge áreket etíp jatqan azamattar bar eken.
«Aımaqtarda júrgen Qazaqstan azamattaryn jeke qauípsízdík sharalaryn kúsheıtuge, qauíptí audandarǵa barmauǵa, jergílíktí bılík organdarynyń nūsqauyn oryndauǵa, sonyń íshínde zymyran shabuylynan qauíp kelgen jaǵdaıda dereu baspanalarǵa/panalau oryndaryna baruǵa, sondaı-aq Qazaqstan Respublıkasynyń sheteldegí mekemelerímen, turoperatorlarmen jáne áue tasymaldaushylarymen tūraqty baılanysta boluǵa shaqyramyz», — delíngen resmı habarlamada.
Būl eskertudí jaqyndarǵa jíberíp qoıǵan dūrys. Tayau Shyǵystaǵy kóptegen eldíń áue keńístígí jabyq ekenín eskeru kerek.
Jaǵdaı qanshalyqty kúrdelí?
Aımaqta ahual shegíne jetíp tūr. Prezıdent Q. Toqaev Iran aumaǵynan Bíríkken Arab Ámírlíkteríne jasalǵan zymyran men dron shabuyldaryn qatań aıyptady. Sebebí beıbít tūrǵyndar qaza tauyp, azamattyq nysandar qıraǵan.
Memleket basshysy mūndaı áreketterdí aqtauǵa bolmaıtynyn jáne kez kelgen daudy tek dıplomatıyalyq jolmen sheshu kerek ekenín alǵa tartyp otyr.