Almatyda qar 10 nauryzda keshke jaua bastady. Qar jaua bastaǵan sátten bastap qalanyń kommunaldyq qyzmetí kúsheıtílgen tártípte jūmys ísteuge kóshtí. Negízgí míndet — kóktaıǵaqtyń aldyn alu jáne kólík qozǵalysynyń qauípsízdígín qamtamasyz etu. Būl turaly Almaty qalasy Kommunaldyq ınfraqūrylym jáne tūrǵyn úı ınspektsıyasy basqarmasynyń ókílderí aıtty, – dep habarlaıdy aqshamnews.kz tílshísí.
«Qazgıdromet» RMK málímetíne sáıkes, jauyn-shashyn aldymen jańbyr túrínde bastalyp, keıín qarǵa ūlasyp, 11 nauryz kúní tańǵa deıín jalǵasty. Osy uaqyt aralyǵynda qalaǵa shamamen 27 santımetr qar tústí.
Joldaǵy qauípsízdíktí qamtamasyz etu úshín kóshelerge 75 jedel brıgada, 2710 jol salasy jūmysshysy jáne 1225 arnaıy tehnıka jūmyldyryldy. 200-den astam sypyru tehnıkasy jolǵa kóktaıǵaqqa qarsy materıaldardy seuíp júr. Sebu jūmystary ayaqtalǵannan keıín tehnıka 28 kolonnaǵa bíríktírílíp, magıstraldyq kóshelerdí tazalauǵa kírísedí.
Túnnen bastap qalanyń negízgí magıstraldarynda qardy jınau jūmystary qolǵa alyndy. Jūmys jol polıtsıyasynyń patruldík kólíkteríníń kómegímen tehnıka kolonnalary arqyly ístelíp jatyr. Sonymen qatar shaǵyn kólemdí tehnıka men jūmysshylar trotuarlardy, qoǵamdyq kólík ayaldamalaryn, jerústí ótkelderín, baspaldaqtar men pandustardy tazalauda.
Sınoptıkterdíń boljamynsha, 11 nauryz kúní kúndíz jauyn-shashyn bolmaıdy, aua temperaturasy –6…–8 gradus shamasynda bolady, keıín taǵy tómendeıdí.
Qala tūrǵyndarynan saqtyq sharasyn saqtau eskertíledí: júrgízushílerge jyldamdyqty tómendetíp, araqashyqtyq saqtauǵa, al júrgínshílerge trotuarlarda abaı boluǵa keńes beríledí. Sonymen qatar tūrǵyndardan qar tazalaıtyn tehnıkanyń jūmysyna kedergí keltírmeu jáne kóshelerdí jedel tazalaudy qamtamasyz etu úshín kólíkterín jol jıegíne qoımau sūralady. Kommunaldyq qyzmet táulík boıy kóshe men joldyń jaǵdaıyn baqylap, qalany tazalau jūmystaryn jalǵastyryp jatyr.