Almatyda alǵash ret «Nomadic Art: Dala mádenıetíníń jahandyq kelbetí» halyqaralyq festıvalí ótedí, – dep habarlaıdy aqshamnews.kz tílshísí.
«Nauryznama» onkúndígí ayasynda jáne 16 nauryz – Mádenıet jáne ūlttyq dástúrler kúníne oraı Almatyda «Nomadic Art: Dala mádenıetíníń jahandyq kelbetí» atty halyqaralyq festıval ótedí. Ís-sharany Qazaqstan Respublıkasynyń Ūlttyq muzeıí Almaty qalasynyń Turızm basqarmasymen jáne Etnodızaınerler odaǵymen bírlesíp ūıymdastyryp otyr. Festıval alǵash ret ótkízílíp, ūlttyq mádenı mūrany dárípteuge, etnodızaındy damytuǵa jáne halyqaralyq yntymaqtastyqty nyǵaıtuǵa baǵyttalǵan.
Festıval baǵdarlamasyna mádenı jádígerlerdí saqtau jáne nasıhattau máseleleríne arnalǵan «Ūlttyq mūra – ūrpaq amanaty: muzeı qorlary men etnodızaın toǵysy» atty ǵylymı-tájírıbelík konferentsıya kíredí. Sonymen qatar otandyq jáne sheteldík dızaınerlerdíń etno-toptamalardyń kórsetílímí, qolóner būıymdarynyń halyqaralyq kórmesí, sondaı-aq kıíz basu, keramıka, zergerlík óner sekíldí dástúrlí sándík-qoldanbaly óner túrlerí boıynsha sheberdíń sabaqtary ūıymdastyrylady. Būdan bólek fumage (tútínmen suret salu) sıyaqty sırek tehnıka da tanystyrylady.
Festıval Ortalyq Azıya qolónershílerí úshín ískerlík alańǵa aınalady. Onyń ayasynda Dúnıejúzílík qolóner keńesíníń (WCC) sarapshylarymen B2B-kezdesuler men strategıyalyq talqylaular ótkízílíp, ūlttyq qolónerdí halyqaralyq naryqqa ílgeríletu máselelerí qarastyrylady.
Joba ūlttyq mádenı mūrany keńínen tanytuǵa, otandyq sheberlerdí qoldauǵa jáne Almatynyń Ortalyq Azıyadaǵy mádenı ortalyq árí kreatıvtí hab retíndegí mártebesín nyǵaıtuǵa yqpal etedí.
Ótetín kúní men uaqyty: 2026 jyly 16 nauryz, bastaluy – 11:00
Ótetín orny: Qazaqstan Respublıkasynyń Ūlttyq muzeıí, Almaty qalasy
Kíru: tegín