1484 nómírí, sondaı-aq 8 800 080 30 84 — Qazaqstan Respublıkasy Qarjy mınıstrlígíníń Bíryńǵaı baılanys ortalyǵy bolyp tabylady, – dep habarlaıdy aqshamnews.kz tílshísí.
"Būl arqyly qazaqstandyqtar men bıznes ókílderíne Qarjy mınıstrlígíníń memlekettík aqparattyq júıelerí men tsıfrlyq servısterí boıynsha konsultatsıyalyq jáne tehnıkalyq qoldau kórsetíledí", – dep habarlady "Elektrondyq qarjy ortalyǵy" AQ baspasóz qyzmetí.
Baılanys ortalyǵy kelesí negízgí baǵyttar boıynsha qyzmet kórsetedí:
1. Salyqtyq ákímshílendíru
Kelesí máseleler boıynsha keńes beríledí:
Salyq tóleushíníń jeke kabınetí servısterín paıdalanu;
Salyq eseptílígín tapsyru;
Salyq bereshegín tekseru jáne óteu;
Jeke kásípkerlíktí tírkeu jáne qyzmetín toqtatu;
Arnaıy salyq rejımderíne kóshu (onyń íshínde ózín-ózí jūmyspen qamtyǵandar rejımí);
Salyq míndettemelerí boıynsha habarlamalar, anyqtamalar jáne aqparat alu.
2. Memlekettík satyp alular
Paıdalanushylarǵa kelesí máseleler boıynsha konsultatsıya beríledí:
Memlekettík satyp alu júıesínde jetkízushíler men tapsyrys berushílerdí tírkeu jáne jūmys ísteu;
Satyp alu rásímderíne qatysu;
Ótínímder beru;
Satyp alu josparlarymen, sharttarmen jáne qosymsha kelísímdermen jūmys ísteu;
Júıede jūmys barysynda tuyndaıtyn tehnıkalyq jáne ūıymdastyrushylyq máseleler.
3. Ūlttyq tauarlar katalogy
Paıdalanushylarǵa kelesí máseleler boıynsha qoldau kórsetíledí:
júıede tírkelu jáne jūmys ísteu;
tauarlardy ízdeu jáne qosu;
tauar kartochkalaryndaǵy derekterdíń dūrystyǵyn tekseru.
4. Qarjy mınıstrlígíníń ózge tsıfrlyq servısterí
Kelesí máseleler boıynsha konsultatsıya beríledí:
Qarjy mınıstrlígíníń memlekettík aqparattyq júıeleríníń jūmysy;
ótíníshter men elektrondyq júgínímderdí beru tártíbí;
derekterdíń dūrys kórsetíluí jáne servısterdíń jūmys ísteuí.
5. Paıdalanushylarǵa tehnıkalyq qoldau
Baılanys ortalyǵy:
paıdalanushylardyń ótíníshterín qabyldap, tírkeıdí;
konsultatsıyalyq jáne ádístemelík kómek kórsetedí;
ótínímderdí tıístí súıemeldeu jelíleríne joldaıdy;
ótíníshterdíń qaralu mártebesí turaly paıdalanushylardy habardar etedí.
"Jalpy alǵanda, baılanys ortalyǵy azamattar men bızneske Qarjy mınıstrlígíníń aqparattyq júıelerín paıdalanu jáne memleket aldyndaǵy qarjylyq míndettemelerdí oryndau máselelerí boıynsha ortalyqtandyrylǵan konsultatsıyalyq qyzmet kórsetedí", – dep qorytyndylady ūıym ókílderí.
