Sońǵy jyldary radıkaldy ıdeologıyanyń yqpalyna túsken keıbír jastardyń elge oraluy Almaty úshín de qauíp tóndírude. Pákístan men Egıpettegí kúmándí dínı oqu oryndarynda bílím alǵan azamattardyń dástúrlí ıslamdy joqqa shyǵaryp, otbasylarymen baılanysyn úzu derekterí tírkelgen.
Táuelsízdíktíń alǵashqy jyldarynda ıdeologıyalyq vakuum qalyptasyp, ony túrlí dínı aǵymdar tez toltyra bastady. Almatyda meshítterdíń sany artsa da, bílíktí kadrlardyń tapshylyǵy baıqalady. Būl olqylyqty sheteldík medreseler men beıresmı uaǵyzshylar tolyqtyrady, olar keıde dástúrlí ıslam túsínígíne jat rıtorıka qoldanady.
Zertteulerge sáıkes, 18–29 jas aralyǵyndaǵy almatylyq jastardyń basym bólígí dínı aqparatty áleumettík jelílerden alady. Dástúrlí dínı ınstıtuttardan bílím alatyndar aıtarlyqtaı az. Būl radıkaldy ıdeyalardyń «shynaıy bílím» retínde taraluyna qolaıly jaǵdaı jasaıdy. 2022 jyly qalada bloger yqpalyna túsken bírneshe oqushy mektepke barudan bas tartyp, ata-anasymen baılanysyn úzgen oqıǵa tírkeldí.
Sheteldík dínı bílím alu úrdísí de alańdatady. Qazírgí uaqytta qazaqstandyq jastardyń bír bólígí mártebesí kúmándí oqu oryndarynda bílím aluda, kóbíne Tayau Shyǵys pen Ońtústík Azıya elderíne barady. Keıbír medreseler shákírtaqy, tegín tūru men tamaq ūsyna otyryp, áleumettík tūrǵydan osal otbasylardyń balalaryn tartady. Sonymen qatar, «shynaıy ıslamdy tek shetelde úırenuge bolady» degen qate túsíník te jastardy sol oqu oryndaryna ıtermeleıdí.
Mamandar Almatydaǵy jastardy qauípten qorǵau úshín bírneshe shara ūsynady:
Áleumettík jelílerdegí radıkaldy kontenttí baqylau jáne bílímdí mamandardyń resmı platformalaryn nasıhattau;
Mektepter men joǵary oqu oryndarynda dínı sauattylyqty arttyruǵa arnalǵan sabaqtar men semınarlar ótkízu;
Teologtar, ımamdar jáne díntanushylardyń qatysuymen jastarǵa arnalǵan ashyq dıalog alańdaryn ūıymdastyru;
Otbasy ınstıtutyn nyǵaıtu arqyly jastardyń qūndylyqtyq baǵdaryn qoldau.
«Almatydaǵy jastarǵa tek shynaıy árí senímdí aqparat kózderímen jūmys jasau mańyzdy. Dínı sauattylyq pen synı oılaudy damytu arqyly radıkaldy aǵymdardyń yqpalyn tómendetuge bolady», – deıdí mamandar.
Materıal Almaty qalasy boıynsha TQK apparatynyń aqparaty negízínde daıyndaldy.
