Memleket basshysy Qasym-Jomart Toqaev tírshílíktí qamtamasyz etetín nysandardyń qauípsízdík sharalaryn kúsheıtudí tapsyrdy, – dep habarlaıdy aqshamnews.kz tílshísí.
Būl turaly búgín Aqordanyń baspasóz qyzmetí habarlady:
"Prezıdent Qasym-Jomart Toqaev Premer-mınıstrge, kúshtík qūrylymdardyń basshylaryna, "Samūryq-Qazyna" ūlttyq ál-auqat qory men ūlttyq kompanıyalardyń jetekshíleríne, sondaı-aq aımaq ákímderíne tírshílíktí qamtamasyz etetín nysandardyń, kólík, energetıka jáne kommunaldyq ınfraqūrylymnyń, sonyń íshínde áuejaılardyń, teńíz jáne ózen porttarynyń qauípsízdík sharalaryn kúsheıtudí tapsyrdy".
Sondaı-aq atalǵan jūmysty úılestíru Qauípsízdík keńesíníń hatshysyna júktelgení de naqtylanady.
Būǵan deıín 2026 jyly 28 aqpanda Memleket basshysy Qasym-Jomart Toqaev Qauípsízdík keńesíníń hatshysy Ǵızat Nūrdáuletovke Irandaǵy ahualdyń ushyǵuyna jáne elímízdegí tūraqtylyqqa qater tóndíru yqtımaldyǵyna baılanysty shūǵyl sharalar josparyn ázírleudí tapsyrǵan bolatyn.
