Qazaqstan Respýblıkasy Energetıka mınıstrligi 2026 jylǵy 13 qańtarda Qara teńiz akvatorıasynda, KQK teńiz termınaly mańynda Qazaqstannyń eksporttyq munaıyn tasymaldaýǵa qatysqan eki kemede tirkelgen keleńsiz oqıǵalar týraly aqparatty resmı túrde rastaıdy, - dep habarlaıdy Aqshamnews.kz.
Malta týymen júrgen «Matilda» tankeri «QazMunaıGaz» ulttyq kompanıasynyń qosalqy uıymy arqyly jalǵa alynǵan jáne UUA shabýylyna ushyraǵany rastaldy. Kemede jarylys tirkelgenimen, órt shyqpaǵan. Ekıpaj arasynda zardap shekkender joq. Tehnıkalyq qyzmetterdiń aldyn ala baǵalaýyna sáıkes, tanker teńizde júzýge qabiletti, kemeniń korpýsynda asa qaýipti zaqymdanýlar anyqtalmaǵan.
Lıberıa týymen júrgen «Delta Harmony» tankeri de júkteý jumystaryna daıyndyq kezeńinde ushqyshsyz ushý apparaty shabýylyna ushyraǵany rastaldy. Saldarynan órt shyǵyp, jedel sóndirilgen. Ekıpaj músheleri zardap shekken joq. Operatıvtik shtab derekterine sáıkes, oqıǵa kezinde kemege munaı tıeý jumystary júrgizilmegen, júk sısternalary bos bolǵandyqtan, Qazaqstan Respýblıkasynyń eksporttyq resýrstaryna zıan keltirilmegen.
Energetıka mınıstrligi logıstıkalyq tizbekterdiń qaýipsizdigin qamtamasyz etý jáne eksporttyq jetkizilimderdiń úzdiksiz jumysyn qamtamasyz etý maqsatynda «QazMunaıGaz» ulttyq operatorymen, konsorsıým ákimshiligimen jáne kemeler ıelerimen is-qımyldardy jedel túrde úılestirip otyr.