Prezıdent «Samūryq-Qazyna» aktsıonerlík qoǵamynyń basqarma tóraǵasy Nūrlan Jaqypovty qabyldady
Memleket basshysyna Qordyń bıyl atqarǵan jūmysynyń nátıjelerí turaly málímet beríldí.
Nūrlan Jaqypov:
- Qor tobynyń ınvestıtsıyalyq portfelínde jalpy somasy 53 trıllıon teńge bolatyn 130-ǵa juyq joba bar ekenín aıtty.
- Sonyń íshínde osy jyly CASPI BITUM zauytynyń quatyn arttyru, 50 MVt-tyq kún elektr stansasy jáne Kendírlí eldí mekenínde su tūshytatyn zauyt salu jobalary júzege asyryldy.
- Jyl sońyna deıín 1,1 trıllıon teńgege 9 írí jobany ayaqtap, paıdalanuǵa beru josparlanyp otyr. ➤ Jetísu oblysyndaǵy 84 eldí mekenge kógíldír otyn jetkízetín Taldyqorǵan – Úsharal magıstraldí gaz qūbyrynyń, Aqtaudaǵy konteıner haby men Almatydaǵy Zhetysu logıstıkalyq termınalynyń, sondaı-aq Sany Re kompanıyasymen bírlese jel generatorlaryna arnalǵan qondyrǵylar shyǵaratyn zauyttyń íske qosylǵany jónínde málímet berdí.
- Bıyl on aıda «Samūryq-Energo» AQ saǵatyna 31 mıllıard kVt elektr energıyasyn óndírdí. Būl Qazaqstandaǵy jalpy óndírístíń 31 paıyzyn qūraıdy. «Samūryq-Energo» AQ qūramyna kíretín elektr stansalarynyń quaty 7845 MVt-qa jettí.
- 2023-2025 jyldar aralyǵynda áleumettík jobalardy qoldauǵa jáne qaıyrymdylyq sharalaryna 1,5 trıllıon teńge bólíngen. Būl qarjy medıtsınalyq nysandarǵa, sondaı-aq 55 ońaltu ortalyǵynyń, 31 ınklyuzıya kabınetíníń, 18 sport kesheníníń, mádenı jáne bílím beru mekemeleríníń qūrylysyna jūmsaldy.
- «Taza Qazaqstan» bastamasy ayasynda 5,8 mıllıon túp tal egíldí.
- «Samūryq-Qazyna» aktsıonerlík qoǵamynyń otandyq bıznestí órkendetuge qatysty bastamalary turaly bayandady.
Memleket basshysy qor jūmysynyń tıímdílígín arttyru, ınvestıtsıyalyq jobalardy sapaly íske asyru jáne ūlttyq aktıvterdíń ūzaq merzímdí ornyqty damuyn qamtamasyz etu boıynsha bírqatar tapsyrma berdí.