Memleket basshysy jasandy ıntellektíní tıímdí qoldanu úshín derekterge baǵdarlanǵan basqaru modelín engízu kerek dep sanaıdy, – dep habarlaıdy aqshamnews.kz tílshísí.
– Qazaqstandy jaıly aımaqtyq hab retínde tanytu úshín kóshí-qon úderísterí ońtaılandyrylyp jatyr. Onyń bárí tolyq tsıfrlyq formatqa kóshíríledí. Tayauda qoldanysqa engízílgen «Altyn vıza» osy baǵyttaǵy eleulí sheshímderdíń bírí boldy. Būl vızanyń ıegerlerí ūzaq uaqyt boıy elímízdíń rezıdentí bola alady. Artyq ákímshílík júktemeden bosatylady. Olarǵa edáuír salyq jeńíldígí beríledí. Baǵdarlamaǵa qatysushylardyń jáne olardyń otbasy músheleríníń Qazaqstan azamattarymen bírdeı sapaly bílím aluǵa, medıtsınalyq qyzmettí paıdalanuǵa múmkíndígí bolady, – dedí Prezıdent.
Memleket basshysy jasandy ıntellektíní tıímdí qoldanu úshín derekterge baǵdarlanǵan basqaru modelín engízu kerek dep sanaıdy.
– Júıelengen derekter – jasandy ıntellektíní damytudyń ekonomıkalyq negízí. Mūndaı derekter tehnologıyanyń áleuetín paıdalanyp, ónímdílíktí arttyruǵa jol ashady. Osy rette tíl búkíl júıení bíríktíretín basty qūral boluǵa tıís. Eń aldymen, qazaq tílín zamanauı tsıfrlyq júıelerge tolyq kíríktíru kerek. Sonda ǵana derekterdí qūrylymdap, ınnovatsıyany barlyq salaǵa engízemíz. Ortaq derekter jınaqtalyp, ózara úılesímdí jáne mashına oqı alatyndaı formatta boluǵa tıís. Áıtpese, eń myqty algorıtmníń ózí dūrys jūmys ístemeıdí, onyń esh paıdasy bolmaıdy. Qazír asa qūndy aqparattyń kóbí arhıvterde shań basyp jatyr. Onyń bárín tsıfrlyq formatqa kóshíru qajet. Bíz uaqyttan ūtylyp, múmkíndíktí paıdalana almaı jatyrmyz. Úkímet jasandy ıntellekt úlgílerín oqytu úshín arhıvterdegí jáne qoldanystaǵy málímetterdí sapaly derekter torabyna jınaqtauǵa tıís. Būl jūmysqa dereu kírísken jón. Būdan bólek, Strategıyalyq josparlau jáne reformalar agenttígí derekter sapasyn aıqyndaıtyn ūlttyq standartty bekítuí kerek. Ol ekonomıka, ǵylym jáne bıznes ókílderíne qoljetímdí bolǵany abzal. Jalpy, derekterge baǵdarlanǵan basqaru úlgísíne tolyq kóshu úshín Úkímet memlekettík baǵdarlamalardyń normatıvtík bazasy men mazmūnyn qaıta qarap shyǵuǵa tıís. Málímetterdí júıelep, «derekter qoımasy» dep atalatyn bíryńǵaı jelíge kíríktíru mańyzdy. Jūmystyń tıímdílígí soǵan qarap baǵalanady. Bíz osy baǵytta shūǵyl sharalardy qolǵa almasaq, salynǵan ınvestıtsıya qūmǵa síńgen sudaı joq bolady, – dedí Prezıdent.