Almatydaǵy «Halyq Arena» mūz saraıynda alǵash ret halyqaralyq deńgeıdegí balalar hokkeı turnırí — Almaty Nova Cup 2026 ūıymdastyryldy, – dep habarlaıdy aqshamnews.kz tílshísí.
Būl turaly qalalyq Sport basqarmasynyń ókílderí habarlady.
1-3 mamyr kúnderí ótken dúbírlí dodaǵa Qazaqstan, Reseı, Belarus, Qytaı jáne Qyrǵyzstan elderínen kelgen 12 komanda qatysty. Jarysqa 2016 jyly tuǵan 200-den astam jas sportshy shyǵyp, sheberlíkterín pash ettí. Jarysty tamashalauǵa 30 myńnan astam kórermen jınaldy.
Turnır qorytyndysy boıynsha Ekaterınburg qalasynyń D13 komandasy jeńís tūǵyrynan kóríndí. Kúmís júlde máskeulík «Avangard» komandasyna būıyrsa, qola medaldí Qytaıdyń Panthers komandasy qanaǵat tūtty.
Tórtínshí orynnan on ekínshí orynǵa deıíngí komandalar kelesídeı retpen ornalasty: «Barys» (Astana), «Dınamo» (Almaty), «Medvedı» (Almaty), «Yunost» (Qaraǵandy), «Strıjı» (Qyrǵyzstan), «Rahymjan» (Almaty), «Alatau» (Almaty), «Shkola Saleya» (Mınsk), «Alga» (Qyrǵyzstan).
Jarys barysynda úzdík oıynshylar da anyqtaldy:
— úzdík bombardır — Savva Glovatskıı (D13, Ekaterınburg);
— úzdík sūrmergen — Zhang Ande (Panthers, Qytaı);
— úzdík qorǵaushy — Ílıyas Isabek («Barys», Qazaqstan);
— úzdík qaqpashy — Yang Caspar (Panthers, Qytaı).
Eń ádemí gol úshín júlde Egor Panyushınge («Avangard», Máskeu) berílse, kórermen kózaıymy atalymyn Nıkıta Rudkov (D13, Ekaterınburg) ıelendí.
Sondaı-aq, turnır seríktesterí atynan arnaıy marapattar Ivan Makatovqa («Shkola Saleya»), Albına Qoıshybaıǵa («Alatau») jáne Georgıı Rojkovqa («Avangard») tabystaldy.
Aıta keteıík, Almaty Nova Cup turnırín tūraqty túrde ótkízu josparlanyp otyr. Būl bastama balalar hokkeıín damytuǵa serpín beríp, qazaqstandyq jas sportshylardyń halyqaralyq arenada baq synauyna jol ashady.