Áńgímelesu barysynda Prezıdent Qasym-Jomart Toqaev Lı Kaı Fudyń Qazaqstanda joǵary tehnologıyalardyń damuyna eleulí úles qosqanyn atap óttí, – dep habarlaıdy aqshamnews.kz tílshísí.
Bıznesmen Jasandy ıntellektíní damytu jóníndegí keńes jūmysyna belsendí túrde atsalysyp keledí jáne Memleket basshysynyń shtattan tys keńesshísí.
Prezıdent elímízdíń jasandy ıntellekt salasynda tıímdí árí naqty nátıjege baǵdarlanǵan seríktestík qūruǵa nıettí ekenín aıtty.
Būl rette 01ai jáne Sinovation Ventures kompanıyalarymen bírqatar baǵytta yntymaqtastyq ayasyn keńeıtuge múddelí ekenín jetkízdí. Naqty aıtqanda, Qazaqstanda ozyq bílím beru bastamalary men jobalardy íske asyru, ornyqty tehnologıyalyq ekojúıe qalyptastyru baǵyttarynyń keleshegí zor.
Qasym-Jomart Toqaev men Lı Kaı Fu ózara yntymaqtastyqty odan árí damytu jáne bírlesken jobalardy júzege asyru barysyn talqylady.