Memleket basshysy Dubai World Trade Center atqarushy vıtse-prezıdentí Trıksı Lohmırmandty qabyldady, – dep habarlaıdy aqshamnews.kz tílshísí.
Kezdesu barysynda Qazaqstannyń tsıfrlyq ekonomıkasyn damytu jáne halyqaralyq tehnologıyalyq platformalar ayasyndaǵy yntymaqtastyqty keńeıtu perspektıvalary talqylandy.
Prezıdent Qazaqstan aldaǵy úsh jylda tolyq tsıfrlyq memleketke aınalu jónínde órshíl maqsat qoıǵanyna nazar audardy.
Almatyda ótíp jatqan Ortalyq Azıyadaǵy alǵashqy GITEX AI Central Asia & Caucasus forumy osy strategıyalyq baǵdardyń aıqyn mysaly sanalady jáne elímízdíń jahandyq tehnologıyalyq kún tártíbín qalyptastyru ísíne atsalysuǵa daıyn ekenín kórsetedí.
Kezdesude Almatynyń tehnologıyalyq hab retíndegí rólíne aıryqsha mán beríldí. Būl qalada elímízdegí IT-kompanıyalardyń úshten bírí shoǵyrlanǵan. Damyǵan ekojúıe qūramynda belsendí startaptar, ınvestorlar men halyqaralyq oıynshylar bar.
Qasym-Jomart Toqaev Trıksı Lohmırmandtyń GITEX AI Central Asia & Caucasus forumyn halyqaralyq deńgeıde ílgeríletuge síńírgen eńbegín joǵary baǵalady.
Dubai World Trade Center atqarushy vıtse-prezıdentí atalǵan alań tehnologıyalyq naryqtyń negízgí qatysushylarynyń basyn qosyp, jańa seríktestíkter tabuǵa jol ashatynyn atap óttí.
Áńgímelesu barysynda GITEX AI Central Asia & Caucasus alańyn Ortalyq Azıyada jyl saıyn ūıymdastyru, sondaı-aq Qazaqstanda basqa da óńírlík auqymdaǵy ís-sharalar ótkízu múmkíndíkterí qarastyryldy.