Otan qorǵaushylar kúníne oraı «Zań men Tártíp» qaǵıdatyn íske asyru ayasynda Almaty qalasy Íshkí sayasat basqarmasynyń Qoǵamdyq damu ortalyǵy «№175 Jańa ǵasyr» mektep-gımnazıyasynyń «Jas Saqshy» patrıottyq synybynyń oqushylary úshín Almaty qalasy Polıtsıya departamentíníń muzeıíne ekskursıya ūıymdastyrdy, – dep habarlaıdy aqshamnews.kz tílshísí.
Ekskursıya barysynda oqushylar muzeı tarıhymen tanysty. Muzeı meńgerushísí Baraqat Begaly Shotybaıūly oqushylarǵa íshkí íster organdarynyń tarıhy turaly aıtyp berdí. Sondaı-aq 2011 jyldyń 12 qarashasynda Taraz qalasynda lańkesterdí ūstau kezínde qyzmettík boryshyn atqaru ústínde qaza tapqan Ǵazız Baıtasovtyń erlígín sıpattaıtyn estelík fotosy men memorıaldyq taqta kórsetíldí. Oqushylarǵa onyń batyrlyǵy men erjúrektígí turaly aıtyldy.
Mūndaı ís-sharalar «Zań men Tártíp» qaǵıdatyn jastar arasynda nasıhattauǵa jáne óskeleń ūrpaqtyń boıynda patrıottyq sezím men qūqyqtyq mádenıettí qalyptastyruǵa baǵyttalǵan.