Astana taǵy da álemdík kıbersporttyń nazaryn ózíne audarady, – dep habarlaıdy aqshamnews.kz tílshísí.
Qalada PGL Astana 2026 halyqaralyq turnırí ótedí. Counter-Strike 2 boıynsha ótetín būl dodaǵa álemníń úzdík 16 komandasy jınalyp, mıllıondaǵan audıtorıya kóz tígetín írí arenaǵa aınalady, dep habarlaıdy elorda ákímdígíníń resmı saıty.
Turnır 15-17 mamyr aralyǵynda Barys Arena alańynda ótedí. Oǵan álemdík deńgeıdegí 16 komanda qatysady.
2025 jyly ótken turnır úlken tabysqa jettí: onlaın kóru kórsetkíshterí rekordtyq deńgeıge jetíp, halyqaralyq audıtorıya tarapynan joǵary qyzyǵushylyq boldy. Sonyń nátıjesínde Astana álemdík kıbersporttyń jańa ortalyqtarynyń bírí retínde óz mártebesín nyǵaıtty. 2026 jyly turnırdíń qaıta ótkízíluí osy jetístíktíń logıkalyq jalǵasy boldy.
Turnırdíń ūıymdastyrushysy – PGL Esports SRL, kıbersport jarystaryn ótkízetín álemdegí jetekshí operatorlardyń bírí.
2026 jyly turnırdíń júlde qory 1,6 mln AQSh dollaryna deıín ūlǵaıtyldy. Būl ony «Counter-Strike 2» boıynsha meıdjorlardan (kıbersport turnırler serıyasynan) joǵary júlde qory bar jarystardyń bíríne aınaldyrady.