Memleket basshysy Presight AI basqarma tóraǵasy Tomas Pramotedhamdy qabyldady, – dep habarlaıdy aqshamnews.kz tílshísí.
Prezıdent meımanǵa íltıpat kórsetíp, Presight AI kompanıyasymen yntymaqtastyq joǵary deńgeıde ekenín atap óttí. Sondaı-aq kásíporynnyń elímízdegí jasandy ıntellekt salasyndaǵy sheshímderdí damytuǵa zor úles qosyp kele jatqanyna rızashylyq bíldírdí.
Memleket basshysy naqty bastamalardy íske asyru arqyly seríktestíktí odan árí keńeıtuge aıtarlyqtaı áleuet bar ekeníne toqtaldy.
Tomas Pramotedham Qasym-Jomart Toqaevqa kompanıyanyń «Derekterdí óńdeu ortalyǵy alqaby» jobasyna qatysuǵa qyzyǵushylyq tanytyp otyrǵanyn aıtty. Būl – jasandy ıntellekt, esepteuísh quat pen tsıfrlyq servıs ınfraqūrylymyn damytudy kózdeıtín arnaıy ekojúıe.
Sonymen qatar Smart City bastamasyna aıryqsha nazar audaryldy. Memleket basshysy kompanıyanyń osyǵan deıín Astanada júzege asyrǵan jobasy oń nátıje kórsetíp, halyqtyń qauípsízdígí men tūrmys sapasyn jaqsartuǵa septígín tıgízgenín jetkízdí. Būl rette atalǵan sheshímdí Almaty qalasyna engízu perspektıvasy qarastyryldy.