Memleket basshysy GITEX AI Central Asia & Caucasus kórmesíne bardy, – dep habarlaıdy aqshamnews.kz tílshísí.
Prezıdent Qasym-Jomart Toqaev GITEX AI Central Asia & Caucasus 2026 halyqaralyq tehnologıyalyq kórmesín aralap kórdí. Būl álemde tsıfrlyq tehnologıyalar men ınnovatsıyalar salasy boıynsha eń írí platformalar qataryndaǵy GITEX jahandyq ekojúıesíníń bír bólígí sanalady.
Memleket basshysyna Al-Farabium superkompyuteríníń múmkíndíkterí men onyń bazasynda íske asyrylǵan ondaǵan jobalar, sonyń íshínde «Qazaqtelekom» AQ baılanys ortalyǵynyń tūtynushylar shaǵymyn operatordyń qatysuynsyz óńdeıtín JI-assıstentí tanystyryldy.
Būl tsıfrlyq sheshím qońyraudy zańdy tūlǵa nemese alayaq shalǵanyn anyqtap, ony antıfrod koll ortalyqqa jíberedí, osylaısha, qūqyq qorǵau organdaryna aqparat beruge kómektesedí.
Sondaı-aq Prezıdentke bank júıesíndegí jobalar jónínde málímet beríldí. Olar retteletín, ashyq jáne auqymdy tsıfrlyq aktıvter ekojúıesín qūruǵa, ınfraqūrylymdy (krıpto hab) damytuǵa jáne halyq pen bızneske qyzmetterdíń tolyq spektrín ūsynuǵa baǵyttalǵan.
Tsıfrlyq aktıvter naryǵyn damytu ayasynda Qazaqstan qor bırjasynda (KASE) token túrínde qarjy qūraldaryn shyǵaru qarastyrylyp jatyr.