Memleket basshysyna Defense Tech qorǵanys pen qauípsízdík salasyndaǵy ınnovatsıyalardy qoldau ortalyǵy kórsetíldí, – dep habarlaıdy aqshamnews.kz tílshísí.
Prezıdent Qasym-Jomart Toqaevqa Qazaqstan Respublıkasynyń Qorǵanys mınıstrlígí qolǵa alǵan Defense Tech jobasy tanystyryldy.
Defense Tech bastamasy Qaruly Kúshterdíń jáne ūlttyq qauípsízdík júıesíníń qajettílígí úshín otandyq tehnologıyalyq sheshímderdí anyqtau, íríkteu jáne jedel damytu jóníndegí ınnovatsıyalyq ekojúıe qūrudy kózdeıdí.
Joba ayasynda ınnovatsıyalyq komandalarmen jáne ǵylymı-tehnıkalyq ūıymdarmen tūraqty jūmys mehanızmí qalyptasady.
Astana Hub alańynda Defense Tech úılestíru keńsesí ūıymdastyrylǵan. Būl Qorǵanys mınıstrlígí, tehnologıyalyq kásípkerler, ǵylymı ūıymdar jáne ındustrıaldyq seríktester arasyndaǵy baılanysty qamtamasyz etedí.
Bastamany ílgeríletu ayasynda Almatydaǵy Armıya Úıí bazasynda multıfunktsıonaldy ınnovatsıyalyq hab – Defense Tech IT Park qorǵanys tehnologıyalary ortalyǵy ashyldy.
Mūnda otandyq ÍT kompanıyalar men startap komandalardyń qorǵanys pen qauípsízdík salasyndaǵy ozyq tehnologıyalyq sheshímderí men perspektıvtí ázírlemelerí ūsynylǵan.