Pavlodar qalasynda esirtki taratýmen aınalysqan er adam ustaldy, - dep habarlaıdy aqshamnews.kz tilshisi Polisia.kz-ke silteme jasap.
Esirtki qylmysyna qarsy is-qımyl bóliminiń qyzmetkerleri iri kólemde esirtki zattaryn taratpaq bolǵan 54 jastaǵy qala turǵynyn ustady.
Er adam jeke paıda tabý maqsatynda tyıym salynǵan zat salynǵan oramalardy sýpermarkettegi jeke zattardy saqtaýǵa arnalǵan uıashyqqa jasyrǵanyn, olardy baılanyssyz tásilmen satyp alyp, bir rettik dozalarǵa bólip, Pavlodar qalasynyń aýmaǵynda jasyryn qupıa oryndar arqyly satýdy josparlaǵanyn moıyndady.
"Kúdiktini jeke tintý barysynda kannabıstik tektegi esirtki zaty bar eki orama men úsh temeki ónimi anyqtaldy. Sonymen qatar onyń turǵylyqty mekenjaıyn tintý kezinde qosymsha esirtki zattary, elektrondy tarazy, oraý quraldary jáne zip-paketter tárkilendi. Tárkilengen esirtki zattarynyń jalpy salmaǵy 300 gramnan asty. Bul derek boıynsha sotaldy tergep-tekserý bastaldy. Kúdikti qamaýǵa alyndy", – deıdi Pavlodar oblysy polısıa departamenti bastyǵynyń birinshi orynbasary Bolat Nurseıitov.