Elordada dástúrlí Astana Half Marathon jarysy óttí. Jarys ayasynda qūramyna 40-qa juyq adam kírgen Funduk Team ınklyuzıvtí komandasynyń 10 ekıpajy startqa shyqty, – dep habarlaıdy aqshamnews.kz tílshísí.Ár ekıpaj bír shturmannan – ınklyuzıvtí qatysushy jáne oǵan qashyqtyqty eńseruge kómektesken úsh pılottan tūrdy.
Mūndaı bastamalar ınklyuzıvtí ortany damytuǵa jáne qalalyq keńístíktíń barlyq tūrǵyn úshín qoljetímdí árí jaıly etu qaǵıdattaryn ílgeríletuge yqpal etedí.
«Men úshín mūndaı marafonǵa qatysu – eń aldymen írí sporttyq oqıǵanyń atmosferasyn sezíníp, osy ís-sharanyń bír bólígíne aınalu múmkíndígí. Kórermenderdíń qoldauyn sezínu jáne osyndaı ís-sharalardyń barlyq qatysushy úshín barǵan saıyn qoljetímdí bolyp kele jatqanyn kóru quantady», – dedí jarysqa qatysushylardyń bírí.
Aıta keteıík, bıylǵy Astana Half Marathon jarysy álemníń 30-dan astam elínen kelgen shamamen 7000 qatysushynyń basyn qosady. Marafon baǵyty elordanyń negízgí kóshelerí men kóríktí oryndaryn qamtydy.
Ís-shara baǵdarlamasynda 21,1 shaqyrym, 10 shaqyrym, skandınavıyalyq júrís jáne «Ekıden» komandalyq estafetasy boıynsha jarystar óttí.