Óńírlík kommunıkatsıyalar qyzmetí alańynda orman qoryn saqtau men tabıǵı órttíń aldyn alu sharalary talqylandy., – dep habarlaıdy aqshamnews.kz tílshísí. Atqarylyp jatqan jūmys turaly «Qazavıaormanqorǵau» RMQK Almaty avıatsıyalyq bólímshesíníń basshysy Bekzat Baıshalov bayandady.
Onyń aıtuynsha, tótenshe jaǵdaıda jedel áreket etu ǵana emes, sondaı-aq tūraqty monıtorıng júrgízu men halyq arasynda túsíndíru jūmysyn kúsheıtu arqyly olardyń aldyn alu salalyq qyzmettíń negízgí míndetí.
Spıkerdíń aıtuynsha, órttíń edáuír bólígí tabıǵat ayasynda demalǵanda abaısyzda shyǵady, keıde auyl sharuashylyǵyna tıesílí alqapty órtegende de jıí óhrt shyǵady eken.
«Qazírgí uaqytta Almaty oblysynyń aumaǵynda órt qaupí eń joǵary árí kúrdelí kezeń bastalyp otyr. Alda jazdyń sońǵy aıy men kúz mezgílí keledí. Kópjyldyq statıstıkaǵa sáıkes, dál osy uaqytta órt qaupí bírneshe ese artady. Ósímdík qurap, shóp sarǵayady, japyraq túse bastaıdy. Aua temperaturasynyń joǵary boluy men jeldíń áserínen mūnyń bárí tez tūtanatyn materıalǵa aınalyp, orman alqaptary típtí bolmashy ūshqynnyń ózínen ot alyp ketíp jatady», – dedí Bekzat Baıshalov.
«Qazavıaormanqorǵau» mamandary salalyq qyzmettermen bírlesíp aumaqty úzdíksíz áueden baqylap júr. Sonymen qatar óńír tūrǵyndary men qonaqtardy ormanda qauípsízdík erejesín qatań saqtauǵa shaqyrdy.
Órt oshaǵyn erte anyqtau maqsatynda avıatsıyalyq baqylau qoldanylady. Sondaı-aq halyqty tabıǵat ayasynda qauípsízdíktí saqtauǵa úgíttep jatyr.
Spıkerdíń aıtuynsha, orman qoryn saqtau ár adamnyń jauapkershílígíne tíkeleı baılanysty, profılaktıka tabıǵı aumaqtardy qorǵaudyń eń tıímdí tásílí bolyp qala beredí.
«Orman men tauly aumaqta bolǵan kezde belgílenbegen orynda ot jaǵyp, síríńke jaǵyp, temekí tūqylyn tastauǵa, sondaı-aq tūrmystyq qaldyqty qaldyruǵa qatań tyıym salynady. Esteríńízde bolsyn: orman qoryn saqtau – árqaısymyzdyń míndetímíz. Kez kelgen órttíń aldyn alu onyń saldaryn joyudan áldeqaıda ońaı», – dep túıíndedí Bekzat Baıshalov.