Qazaqstanda áleumettík jelíde zańǵa qaıshy kontent jarıyalaǵan toǵyz strımer ákímshílík jauapkershílíkke tartyldy, – dep habarlaıdy aqshamnews.kz tílshísí. Būl turaly Íshkí íster mınıstrlígí málímdedí.
ÍÍM málímetínshe, atalǵan azamattar laık, qaralym men donat jınau úshín tíkeleı efırlerde balaǵat sóz aıtyp, ádepsíz áreketter kórsetken, qauíptí prankter ūıymdastyryp, qoǵamdyq tártíptí būzǵan. Vedomstvo mūndaı kontentke kámeletke tolmaǵandardyń da kún saıyn kuá bolyp otyrǵanyna erekshe nazar audardy.
Astana qalasynyń tūrǵyny Indıra Eshtaeva TikTok-taǵy tíkeleı efır barysynda balaǵat sózder aıtyp, zańǵa qaıshy kontent taratqany úshín ūsaq būzaqylyq boıynsha ákímshílík aıyppūl aldy.
Almatyda Aqtóre Batyrbek tíkeleı efır kezínde aınalasyndaǵylardy balaǵattap, qoǵamdyq tártíptí būzǵany úshín sot sheshímímen bes táulíkke ákímshílík qamauǵa alyndy.
Shymkentte 20 jastaǵy Danıyar Seıdalıev kórermen jınau maqsatynda tíkeleı efırde elektroshoker qoldanyp, adam ūrlau kórínísín qoldan ūıymdastyrǵan. Sonymen qatar efır barysynda balaǵat sózder aıtyp, qoǵamdyq tártíptí óreskel būzǵany úshín segíz táulíkke qamaldy.
Jambyl oblysynda «Altyn qyz» laqap atymen tanylǵan Laılo Qasymova bírneshe márte zańǵa qaıshy kontent taratqany úshín ákímshílík jauapkershílíkke tartylyp, aıyppūl salyndy.
Sondaı-aq osy óńírde 19 jastaǵy Jarqynaı Baıbek pen Asyljan Tanaberganovtyń donat pen audıtorıya jınau úshín tíkeleı efırde ádeıí bír-bíríne dene jaraqatyn salyp, janjal ūıymdastyrǵany anyqtalǵan. Ekeuí de ákímshílík jauapkershílíkke tartyldy.
ÍÍM qūqyq qorǵau organdarynda áleumettík jelídegí anonımdí akkaunttardyń ıesín anyqtauǵa múmkíndík beretín barlyq qajettí qūraldar bar ekenín eskerttí. Vedomstvo tsıfrlyq keńístíkte zań būzatyndarǵa qatysty sharalar aldaǵy uaqytta da jalǵasatynyn málímdedí.
Mınıstrlík ókílderíníń aıtuynsha, jastarǵa terís úlgí kórsetetín, zorlyq-zombylyqty, dórekílík pen qorlaudy nasıhattaıtyn kontentke jol berílmeıdí. Al azamattardan kelíp túsetín árbír shaǵym míndettí túrde qaralyp, zań būzǵandardyń barlyǵy jauapqa tartylady.