Búgín Almaty halyqaralyq áuejaıynda erekshe qarbalas. Búgín mūnda Omanǵa arnaıy jíberílgen reıspen elge oralǵan qazaqstandyqtardy qarsy aldy, – dep habarlaıdy aqshamnews.kz tílshísí Almaty qalasynyń Óńírlík kommunıkatsıyalar qyzmetíne sílteme jasap.
Almaty – Maskat – Almaty baǵyty boıynsha qatynaǵan DV5361 reısí Boeing 767 áue kemesímen 314 adamdy elge jetkízdí. Olardyń arasynda balasyn jetektegender de bar. Bíraz uaqyttan keıín ekínshí reıs te kelíp, taǵy 230 otandasymyz elge oralady. Osylaısha, Omannan Qazaqstanǵa 500-den astam azamat qaıtyp keldí. Azdap sharshaǵanymen, jolaushylardyń júzínde quanyshtyń taby baıqalady. Keıbírí típtí jylap ta jíberdí. Qarsy alatyndar qolyna bír-bír gúl men Qazaqstannyń tuyn ūstap alypty. Qūshaqtasyp, alǵys aıtyp, balalardyń kúlkísí estílíp, bárí máre-sáre bolyp qaldy.
«Ūshaq Almatyǵa qonǵanda, qatty tolqydym. Mūny sózben jetkízu múmkín emes. Bízdí ūmytpaı, qoldau kórsetkenderge óte rızamyz», — deıdí balalarymen bírge kelgen jolaushylardyń bírí.
Kelgen azamattardyń aıtuynsha, arnauly reıstí ūıymdastyru qıyn jaǵdaıǵa tap bolǵan olarǵa kádímgídeı qoldau bolǵan. Olar dıplomatıyalyq qyzmet pen kólík mekemelerí jaqsy jūmys ístegenín atap óttí.
Zalda kútíp tūrǵan tuystary Qazaqstan Respublıkasynyń Prezıdentí men Syrtqy íster mınıstrlígíne jedel kómek kórsetíp, ár adamdy nazardan tys qaldyrmaǵany úshín alǵys bíldírdí.
«Bízdí ūmytpaǵanyn sezdík. Būl sením ūyalatyp, bízdí tynyshtandyrdy», — deıdí elge oralǵan qazaqstandyqtardyń bírí.
Olardyń qauípsízdígín qamtamasyz etu men elge qaıtaru jūmysy jalǵasyp jatyr.
Búgíngí Almatydaǵy kezdesu jaı ǵana jańalyqtar legíndegí oqıǵa emes. Būl — memlekettíń qaı kezde bolsyn azamattaryna qol ūshyn sozyp, kómektesetíníne kóz jetkízgen kún boldy.
