Premer-mınıstr Oljas Bektenov «Kazakh Tourism» ūlttyq kompanıyasy» AQ basqarma tóraǵasy Talǵat Ǵazızovqa jańa qyzmetínde naqty nátıje kórsetu keregín ashyq aıtty, dep habarlaıdy Aqshamnews.kz tílshísí.
Úkímet basshysy nátıje bolmasa, qyzmetten ketuge tura keletínín eskerttí.
Búgín Úkímet otyrysynda «Kazakh Tourism» basshysy turızmdí damytu máselelerí boıynsha bayandama jasady. Otyrystyń sońynda premer-mınıstr ol qyzmetke jańadan kelgenín, bíraq naqty nátıje kútetíní turaly eskertu jasady:
«Talǵat Janatūly, síz būl qyzmetke jańadan kelíp otyrsyz. Bíraq ózíńízden naqty nátıje kútemíz. Nátıje bolsa, árí qaraı jūmys ísteı beresíz. Nátıje bolmasa, qoshtasamyz. Kelístík pe?»
Talǵat Ǵazızov qysqa jauappen «Kelístík» dedí.
Aıta keteıík, Talǵat Ǵazızov 2026 jylǵy 16 qańtarda «Kazakh Tourism» basqarma tóraǵasy bolyp taǵaıyndalǵan. Būǵan deıín ol 2023 jyldan berí «Qazposhta» AQ basqarushy dırektory – basqarma múshesí qyzmetín atqarǵan.