Tanymal ázilkesh Tursynbek Qabatovtyń burynǵy jary Móldir Muqan jýyrda jaryq kórgen fılmine qatysty aıtylǵan syndarǵa óz kózqarasyn bildirdi, - dep habarlaıdy Aqshamnews.kz.
Ol ózine baǵyttalǵan pikirlerge toqtalyp, sózdiń adamǵa árdaıym óz nıetine saı qaıtyp keletinin aıtty.
"Jańa fılm týraly el arasynda túrli pikir aıtylyp jatyr. Kóbisi jyly lebizin bildirýde. Arasynda bir-eki jaǵymsyz pikir jazǵandar da bar, solardyń sózine erip jatqandar da kezdesedi. Tipti kórmeı jatyp baǵa beretinder bar. Soǵan qaramastan, fılmdegi ánderim de, eńbegim de kópshiliktiń kóńilinen shyǵyp, sáttiligin kórsetip jatyr. Baqqa talas joq, ol Allanyń bergeni. Sol baqty kóre almaı júrgender ǵana orynsyz sóz aıtady", - dedi Móldir Muqan.