Almatyda qala ákímí Darhan Satybaldynyń qatysuymen «Jańa progressıvtí Konstıtutsıya – bízdíń bírlígímízdíń negízí: bílím, ǵylym, ınnovatsıyalar, mádenıet» taqyrybynda dóńgelek ústel óttí, – dep habarlaıdy aqshamnews.kz tílshísí.
«Dostyq» úıínde ótken jıynǵa sarapshylar, ǵalymdar jáne qoǵamdyq ūıym ókílderí qatysyp, Jańa Konstıtutsıya jobasynyń el damuy úshín mańyzy turaly píkír almasty.
Kezdesudí ashqan qala ákímí Ata zań qoǵam sūranysyna jauap beríp, uaqyt talabyna saı jańaryp otyruǵa tıís ekenín atap óttí.
«Memleket te, qoǵam da únemí damu ústínde. Jańa tarıhı jaǵdaılar, jahandyq ózgeríster men ekonomıkalyq transformatsıyalar el basqarudyń jańa tásílderín talap etedí. Memleket basshysy Qasym-Jomart Kemelūly Toqaev aıtqandaı, jańa Konstıtutsıya tehnologıyalyq órleuge, jasandy ıntellektíní damytuǵa jáne jappaı tsıfrlandyruǵa jol ashady. Būl otanymyzdyń ádílettí árí órkendegen memleket boluyna yqpal etedí», – dedí Darhan Satybaldy.
Onyń aıtuynsha, konstıtutsıyalyq ózgeríster – būl tek qūqyqtyq normalar men ınstıtuttardy jańartu ǵana emes, sonymen bírge qoǵamnyń el bolashaǵyna degen jauapkershílígín tereń ūǵynuyna jol ashatyn mańyzdy kezeń.
«Búgínde memleket azamattarmen ózara ís-qımyldyń neǵūrlym ashyq modelín júıelí túrde qalyptastyryp keledí. Būl úderíste qoǵamdyq dıalog, saraptamalyq baǵalau jáne kásíbı qauymdastyqtyń belsendí ūstanymy erekshe ról atqarady», – dedí qala ákímí.
Darhan Satybaldy Almatyda konstıtutsıyalyq reformalardy túsíndíru boıynsha auqymdy jūmystar júrgízílíp jatqanyn aıtty. Qalada saraptamalyq píkírtalastar ótíp, joǵary oqu oryndary men ǵylymı ortalyqtarda kezdesuler ūıymdastyryluda, sondaı-aq qala tūrǵyndary, jastar jáne úkímettík emes ūıymdarmen dıalog alańdary jūmys ístep jatyr. Aqparattyq jūmys medıa keńístíkte de jalǵasyp, túsíndírme materıaldar men sarapshylardyń píkírlerí jarıyalanyp keledí.
Dóńgelek ústelge qatysushylar konstıtutsıyalyq reformalardy qoldap, Ata zańdy jańartu qoǵamdyq dıalogty nyǵaıtu jáne zamanauı qūqyqtyq júıení qalyptastyru úshín mańyzdy ekenín atap óttí.
Qazaqstan Respublıkasy Ūlttyq ǵylym akademıyasynyń prezıdentí Aqylbek Kúríshbaev Jańa Konstıtutsıya jobasy eldíń ǵylymı-tehnologıyalyq damuyna qosymsha serpín beretínín aıtty.
«Jańa tehnologıyalardy engízu jáne zıyatkerlík áleuettí nyǵaıtu memlekettíń ūzaq merzímdí damuyna berík negíz qalaıdy», – dedí ol.
Qazaqstan Jazushylar odaǵynyń tóraǵasy Mereke Qūlkenov jazushylar qauymy būl bastamany qoldaıtynyn aıtyp, onyń mádenıet pen ruhanıyat salasyn damytu úshín de mańyzdy ekenín atap óttí.
Jastar atynan «G-35» studenttík kóshbasshylar bírlestígíníń úılestírushísí Márıyam Duanbek sóz sóıledí. Onyń aıtuynsha, Jańa Konstıtutsıya jobasy bílím beru, ǵylym jáne jastardyń ózín-ózí damytuy úshín jańa múmkíndíkter ashady.