Merzimdi qyzmetin aıaqtaǵan áskerı qyzmetshiler zapasqa shyǵarylýda
Qarýly Kúshterde belgilengen merzimdegi áskerı qyzmetin atqarǵan áskerı qyzmetshiler zapasqa jiberilýde, dep habarlady Almaty-akshamy.kz. QR Qorǵanys mınıstrliginiń saıtyna silteme jasap.
Bıyl mindetti áskerı boryshtaryn ótegenderdi zapasqa shyǵarý 15 maýsym men 31 shilde aralyǵynda ótedi.
Sanıtarlyq-epıdemıologıalyq sharalarǵa sáıkes, shyǵaryp salý saltanatty túrde ótkizilmeıdi, alaıda áskerı dástúrli rásimder uıymdastyrylady. Merzimdi áskerı qyzmettegi áskerı qyzmetshiler bólimderdiń jaýyngerlik Týymen qoshtasyp, alańda saltanatty saptyq sherýmen júrip ótedi.
Jóneltý kezinde áskerı qyzmetshiler medısınalyq betperdelermen jáne zalalsyzdandyrý quraldarymen qamtamasyz etilip, áskerı oqytylǵan rezerv retinde jergilikti basqarý organdaryna esepke alynatyn bolady.
2020 jyly áskerge shaqyrý naýqanynyń pandemıaǵa sáıkes keıinge shegerilýine baılanysty sarbazdardy shyǵaryp salý maýsym-shilde aılaryna aýystyryldy.
