Erlan Qarın 2026 jyly 6 qańtarda Memleket basshysy atynan "Halyq qaharmany" Bauyrjan Momyshūlynyń tuystaryna Altyn jūldyz ben "Otan" ordenín tapsyrdy, dep habarlaıdy aqshamnews.kz
Memlekettík keńesshí Erlan Qarın Almatyda Ūly Otan soǵysynda erlík pen batyldyq kórsetken Bauyrjan Momyshūlynyń kelíní Zeınep Ahmetova men nemeresí Erjan Momyshūlyna Prezıdent atynan aıryqsha erekshelík belgísí – Altyn jūldyz ben "Otan" ordenín tapsyrdy.
"Halqymyz Bauyrjan Momyshūlyn árdaıym batyr dep bíledí, qaharman dep qasterleıdí. Memleket basshysy Qasym-Jomart Toqaevtyń būl jolǵy sheshímí halyqtyń oǵan degen ystyq yqylasyn odan árí arttyra tústí. Eń bastysy, kópten kútken tarıhı ádíldík qalpyna keltíríldí", – dedí Memlekettík keńesshí.
Sondaı-aq Erlan Qarın qaısar ruh pen ór mínezdíń sımvolyna aınalǵan Bauyrjan Momyshūlynyń ómírí jas ūrpaqqa úlgí-ónege ekenín atap óttí.