2026 jylǵy 1 nauryzdaǵy jaǵdaı boıynsha memlekettík eńbek ınspektorlary respublıkanyń 102 kásíporny 408 jūmyskerge 284 mln teńgege jalaqy boıynsha bereshek ekenín anyqtady.
Sonymen bírge, túrlí ūıymdarda júrgízílgen tekseruler barysynda eńbek qūqyǵy būzyluynyń 1 myńnan astam faktísí anyqtaldy, – dep habarlaıdy aqshamnews.kz tílshísí.
Jalaqy boıynsha bereshegí jáne eńbek qūqyǵynyń būzyluy anyqtalǵan kásíporyndardyń basshylaryna oryndauǵa míndettí 707 ūıǵarym beríldí jáne 89 mln teńgeden astam somaǵa aıyppūl salyndy.
Qabyldanǵan sharalardyń, onyń íshínde jalaqy boıynsha bereshektí óteudíń qatań kestelerí men merzímderín belgíleudíń nátıjesínde 354 jūmyskerdíń qūqyqtary qorǵaldy. Olarǵa 253 mln teńge tólendí.
Būdan basqa, eńbek zańnamasynyń saqtaluyna memlekettík baqylaudy qamtamasyz etu máselelerí QR Eńbek jáne halyqty áleumettík qorǵau mınıstrlígíníń erekshe baqylauynda.
2026 jylǵy 1 nauryzdaǵy derekter boıynsha memlekettík eńbek ınspektorlary 1125 tekseru júrgízdí, onyń barysynda 1228 būzushylyq anyqtaldy, onyń íshínde: eńbek salasynda – 1055; eńbek qauípsízdígí jáne eńbektí qorǵau boıynsha – 161; halyqty jūmyspen qamtu boıynsha – 12.
Qabyldanǵan sharalardyń nátıjesínde 11 354 jūmyskerdíń eńbek qūqyǵy qorǵaldy.
