Májílíste 8 nauryz – Halyqaralyq áıelder kúníne arnalǵan saltanatty ís-shara óttí. Onda Palata spıkerí Erlan Qoshanov áıelder qauymyn tól merekesímen qūttyqtap, atqaryp jatqan jūmystary úshín alǵysyn bíldírdí, – dep habarlaıdy aqshamnews.kz tílshísí.
Erlan Qoshanov Májílístegí áıel deputattar azamattardyń sūranysy men talap-tílegí eskerílgen kóptegen zańnyń qabyldanuyna zor úles qosyp kele jatqanyn atap óttí.
Jıyn barysynda Erlan Qoshanov byltyr Memleket basshysy 8 nauryz qarsańynda jańa dástúrdíń negízín qalap, áıelder qauymynyń bírqatar ókílín memlekettík nagradalarmen marapattaǵanyn aıtty. Būl úrdís bıyl da jalǵasyn tauyp otyr.
– Búgín Prezıdentímíz elge eńbegí síńgen áıelder qauymynyń bírqatar ókílín memlekettík nagradalarmen marapattady. Vıtse-spıker Danıya Espaeva úshínshí dárejelí «Barys» ordenímen marapattaldy. Deputattar Snejanna Imasheva men Ekaterına Smyshlyaeva «Qazaqstannyń eńbek síńírgen qaıratkerí» atansa, Irına Smırnova «Qazaqstannyń eńbek síńírgen ūstazy» mártebelí ataǵynyń ıegerí atanyp otyr. Būl Qasym-Jomart Kemelūly Toqaevtyń Májílístegí arulardyń báríne bergen joǵary baǵasy, – dedí Erlan Qoshanov.
Sonymen qatar, Palata spıkerí Prezıdenttíń atynan Májílís deputaty Ekaterına Smolyakovaǵa «Qūrmet» ordenín, Májílís Apparatynyń qyzmetkerlerí Raıhan Adılovaǵa, Rauza Jaıshıeva men Aıgerím Nūrjanovaǵa «Eren eńbegí úshín» medaldaryn tabystady.