Almaty ákímíníń orynbasary Beıbít Shahanov qala tūrǵyndaryn jeke máselesí boıynsha qabyldady. Kezdesu barysynda jer qatynastary men qūrylys talaptarynyń saqtaluyna qatysty máseleler qozǵaldy, – dep habarlaıdy aqshamnews.kz tílshísí.
Abaı shaǵynaudanynyń tūrǵyndary qalanyń Bas josparyna engízílgen ózgerísterge baılanysty másele kóterdí. Atalǵan qūjatqa sáıkes, būl aumaqta qoǵamdyq-ískerlík aımaq, kópqabatty tūrǵyn úı qūrylysy jáne sayabaq aımaǵyn ornalastyru kózdelgen.
Qazírgí uaqytta būl aumaqtaǵy jer telímderíníń nysanaly maqsaty – bau-baqsha sharuashylyǵy. Osyǵan baılanysty tūrǵyndar aumaqtyń funktsıonaldyq mártebesín jeke tūrǵyn úı qūrylysy aımaǵyna ózgertu múmkíndígín qarastyrudy sūrady.
Almaty ákímíníń orynbasary Bas jospar qalanyń ūzaq merzímdí damuyn aıqyndaıtyn strategıyalyq qūjat ekenín atap óttí. Ony ázírleu kezínde qaladaǵy qazírgí qūrylys jaǵdaıy ǵana emes, bolashaqtaǵy halyqtyń qajettílígí de eskeríletínín jetkízdí.
Óz kezegínde elímízdíń qūrmettí sáuletshísí Janat Aıtíleu būǵan deıín basqa bau-baqsha seríktestíkteríne qatysty ūqsas jaǵdaıdy túsíndíríp, Bas josparda qarastyrylǵan sheshímder aumaqty keshendí túrde damytuǵa baǵyttalǵanyn aıtqan. Onyń píkírínshe, būl zamanauı qalalyq orta qalyptastyruǵa, áleumettík ınfraqūrylymdy damytuǵa, kólík qoljetímdílígín arttyruǵa jáne tūrǵyndardyń tūrmys deńgeıín jaqsartuǵa múmkíndík beredí.
«Abaı shaǵynaudanynyń búkíl aumaǵyn tek jeke tūrǵyn úı qūrylysy aımaǵyna auystyru jer resurstaryn tıímsíz paıdalanuǵa alyp keluí jáne qalanyń damu múmkíndígín shekteuí múmkín», — dedí sáuletshí.
Al «SENIM» kásíbı baǵalau ortalyǵy» JShS táuelsíz baǵalau kompanıyasynyń málímetínshe, jer telímderín jeke ınvestorlar satyp alǵan jaǵdaıda olardyń tartymdylyǵy kóbíne Bas josparda kórsetílgen aumaqtyń aımaqtyq mártebesíne baılanysty anyqtalady. Al jerdíń nysanaly maqsaty sheshushí faktor bola bermeıdí. Ádette baǵa jer aumaǵy men ondaǵy qūrylystardyń kólemíne qaraı qalyptasady. Jalpy alǵanda, menshík qūny ınvestor men árbír jer telímíníń ıesí arasyndaǵy jeke kelísím arqyly anyqtalady.