Qasym-Jomart Toqaev ekonomıkany tsıfrlandyru zaman talaby ekenín aıtty, – dep habarlaıdy aqshamnews.kz tílshísí.
Būl rette Prezıdent Bíríkken Arab Ámírlíkterí qolma-qol tólemsíz ekonomıkaǵa kóshudí josparlap otyrǵanyn mysalǵa keltírdí.
Qytaıdan da úlgí aluǵa bolady. Kórshíles el jyl saıynǵy trıllıon dollar tranzaktsıyalardy tsıfrlyq platformada óńdeu ísín jolǵa qoıdy.
– Qazaqstan da būl baǵytta oń nátıjege qol jetkízdí: elímízdegí qolma-qol aqshasyz tólemderdíń úlesí 80 paıyzdan asty. Osy jıynǵa qatysyp otyrǵan otandyq fın-teh kompanıyalar kásíbı deńgeılerí joǵary ekenín kórsettí. Tsıfrlyq teńgení keńínen qoldanu shyn mánínde «oıyn erejesín» ózgertedí. Óıtkení byudjettíń ashyqtyǵyn qamtamasyz etíp, tranzaktsıya úshín alynatyn komıssıyalyq tólemderdíń shyǵynyn qysqartady. Būl Qazaqstannyń dúnıe júzínen kóbírek kapıtal tartyp, jetekshí ınvestıtsıyalyq jáne qarjylyq ortalyqqa aınaluyna kómektesuge tıís. Byltyr elímízde alǵash ret tsıfrlyq aktıvter men krıptovalyutany retteıtín qūqyqtyq baza qalyptasty. Jyljymaıtyn múlíktí, altyndy, írí óndírís kásíporyndarynyń aktsıyalaryn jáne basqa da aktıvterdí tokenızatsıya jasauǵa múmkíndík paıda boldy. Maqsatymyz – aımaqtaǵy jetekshí krıptohabqa aınalu. Úkímet pen Ūlttyq bank tsıfrlyq aktıvterdí damytudyń basty baǵyttaryn bekítkení jón. Būl – shūǵyl míndet, uaqyt kútpeıdí, – dedí Qasym-Jomart Toqaev.
Prezıdent «naqty uaqyt ekonomıkasyna» kóshu óte mańyzdy ekeníne nazar audardy. Sebebí dástúrlí júıede memleket únemí «ízínen quyp» otyrady.
– Mysaly, byurokratıyalyq rásímder men bítpeıtín kelísuler qarjynyń tıímdílígín 30 paıyzǵa deıín azaıtady. Tekserís salyq jınau kezeńíníń qorytyndysy boıynsha júrgízíledí. Al ol kezde byudjet qarjysy áldeqashan ıgerílíp qoyady. Jasandy ıntellekt arqyly kúsheıtílgen platformalyq tásíl būl rette edáuír alǵa ozuǵa jaǵdaı jasaıdy. Atap aıtqanda, úzdíksíz predıktıvtí monıtorıng maqsatsyz nemese kúmándí tranzaktsıyalardy aldyn ala anyqtaıdy. Būl rette tek memleket resursyna sením artu strategıyalyq tūrǵydan qate ekenín eskertkím keledí. Qabyldanǵan platformalyq sheshím jeke kapıtaldyń básekege qabílettílígín saqtaıtyn basty qūral boluǵa tıís. Negízgí míndet – osyndaı ınstıtutsıonaldyq orta qalyptastyru. Úkímet bıznestí yntalandyratyn naqty ūsynystar engízuí kerek, – dedí Memleket basshysy.