Qazaqstan Prezıdentí qazaq-qyrǵyz qarym-qatynasynyń oń dınamıkasyna toqtalyp, oǵan tūraqty sayası dıalog, ekí el úkímetterí men ísker toptary arasyndaǵy belsendí yqpaldastyq septígín tıgízíp otyrǵanyn atap óttí.
Bauyrlas elderdíń kóshbasshylary sauda-ekonomıka, kólík-logıstıka jáne su-energetıka salalaryndaǵy yntymaqtastyqtyń qarqyndy túrde damyp kele jatqanyna nazar audardy.
Prezıdentter dostyq, strategıyalyq seríktestík pen odaqtastyq ruhyndaǵy memleketaralyq baılanystardy odan árí keńeıtuge beıíl ekenín rastady.
Qasym-Jomart Toqaev Sadyr Japarovqa elímízde Konstıtutsıyalyq reforma júrgízílíp jatqanyn aıtty. Būl jańǵyrtu memlekettíń qaryshtap órkendeuíne negíz qalaıdy. Qyrǵyzstan Prezıdentí Qazaqstandaǵy auqymdy ózgerísterdí qoldaıtynyn málímdedí.
Memleketter basshylary óńírlík yntymaqtastyq máselelerí jónínde ortaq píkírde ekenín jetkízdí. Qazaqstan Prezıdentí Bíshkekte ShYŪ sammıtí men Dúnıejúzílík kóshpendíler oıyndary sekíldí mańyzdy halyqaralyq ís-sharalardyń tabysty ótuíne tílektestík bíldírdí.
Qasym-Jomart Toqaev Sadyr Japarovtyń el bírlígín saqtauǵa, qyrǵyz memlekettílígín nyǵaıtuǵa baǵyttalǵan sheshímderín quattady.
