Qasym-Jomart Toqaev Aq úıde tarıhı kezdesu ūıymdastyrǵany úshín AQSh Prezıdentíne alǵys aıtyp, S5+1 formatyndaǵy sammıt shyn mánínde Ortalyq Azıya men Qūrama Shtattar arasyndaǵy yntymaqtastyqtyń jańa kezeńíne jol ashqanyna nazar audardy, dep habarlaıdy aqshamnews.kz
Memleket basshysy AQSh Prezıdentí Donald Tramptyń halyqaralyq sayasattaǵy rólíne aıryqsha toqtalyp, ony kórnektí memleket qaıratkerí dep baǵalady.
– Síz júrgízíp otyrǵan parasatty jáne batyl sayasatty búkíl álem qoldauǵa laıyq dep sanaımyn. Men de Sízdíń ūstanymdaryńyzdy quattaımyn. Sízdíń jetekshílígíńízben Amerıka altyn dáuírge qadam basty. Bíz «Amerıkany qaıtadan ūly elge aınaldyru» (Making America Great Again) dep atalatyn kóregen tūjyrymdamańyzdy joǵary baǵalaımyz. Būl maqsat «Zań jáne tártíp» qaǵıdatyna negízdelgen Ádílettí, Quatty Qazaqstan qūrudy kózdeıtín auqymdy strategıyamyzben úndesedí. Bítímger Prezıdent retínde segíz aıdyń íshínde segíz soǵystyń toqtauyna yqpal ettíńíz. Osylaısha, Amerıkanyń halyqaralyq tūraqtylyqqa tírek bolǵan rólín aıtarlyqtaı kúsheıte tústíńíz, – dedí Qasym-Jomart Toqaev.