Qazaqstannyń jańartylǵan konstıtutsıyasynyń jobasy sayasatkerler ǵana emes, mádenıet salasyndaǵylardyń da nazaryn audaryp otyr, – dep habarlaıdy aqshamnews.kz tílshísí.
Olar zańnyń halyqqa túsíníktí árí ashyq bola túskenín bírauyzdan aıtyp otyr.
Qazaqstannyń eńbek síńírgen qaıratkerí Jeńís Seıdollaūly jańartylǵan qūjat eldíń damu jolyn aıqyndaıtynyn aıtady.
«Konstıtutsıyaǵa engízílgen jańa ózgeríster – bízdíń gúldengen bolashaǵymyzǵa jasalǵan qadam. Olar ádílettí árí qūqyqtyq memleket qūruǵa kómektesedí. Būl reforma eldí alǵa bastaıtynyna sengímíz keledí».
Ol ózgeríster eldíń júıelí árí ádílettí damyp kele jatqanyna azamattardyń senímín nyǵaıtuy tıís ekenín atap óttí.
Áset Imanǵalıev qūjattyń memleket úshín strategıyalyq mańyzyna nazar audardy. Onyń aıtuynsha, jańa konstıtutsıya ūzaq merzímdí damu men qūqyqtyq tártíptí nyǵaıtudyń negízín qalaıdy:
«Jańa konstıtutsıya – ádílettí árí qūqyqtyq el qūrudy kózdeıdí».
Zań tek resmı mátín ǵana emes, qoǵam ómíríne baǵyt-baǵdar beretín qūjat boluy tıís deıdí.
Qazaqstannyń eńbek síńírgen qaıratkerí Sábıt Ábdíhalyqov tíl máselesíne toqtaldy. Būryn orys tílínen audarǵanda, konstıtutsıyanyń qazaqshasyn kóbí túsínbeı jatatyn. Jańa jobada osy jaǵy eskerílgenín aıtady.
«Būryn konstıtutsıyany zerdeleu ońaı emes edí, ásírese orys tílínen qazaq tílíne audarǵanda típtí qıyndatyp jíbergen. Jańa jobada būl eskerílíp, endí qūjat ár qazaqstandyqqa túsíníktí boldy».
Ol zańnyń túsíníktílígí men qoljetímdílígí azamattardyń memleketke degen senímín arttyruda mańyzdy ról atqaratynyn atap óttí.
Jalpy alǵanda, mádenıet salasynyń ókílderí jańartylǵan konstıtutsıyany zańdy qabyldaudy jeńíldetetín árí memlekettík úderísterdí qoǵam úshín ashyq etetín qūral retínde baǵalaıdy.
