Almatydaǵy etnomádenı bírlestíkterdíń jetekshílerí qala tūrǵyndary men búkíl el azamattaryn 15 nauryzda jańa konstıtutsıya jobasy boıynsha ótetín respublıkalyq referendumǵa qatysuǵa shaqyrdy, – dep habarlaıdy aqshamnews.kz tílshísí.
Olardyń aıtuynsha, dauys beruge qatysu – ár azamatqa el bolashaǵyna tíkeleı yqpal etíp, negízgí zańdy zaman talabyna saı etíp jańartudy qoldauyna múmkíndík beredí.
«Auǵan ortalyǵy»» qoǵamdyq bírlestígí tóraǵasynyń orynbasary Daud Mohammad konstıtutsıyany jańartu memlekettíń damuynyń zańdy kezeńí ekenín atap óttí.
«Búgínde elímíz damu jolyndaǵy asa mańyzdy kezeńde tūr, óıtkení bíz jańa konstıtutsıya jobasyn talqylap jatyrmyz. Jahandyq ózgeríster men tsıfrlandyru dáuírínde qoǵamdyq-sayası jáne ekonomıkalyq úderíster óte jyldam ózgeredí, sondyqtan negízgí zań da uaqyt talabyna saı boluy tıís. Jańa konstıtutsıya jobasynyń ūsynuy – eń damyǵan elderjíń ózí de qoldanatyn qalypty álemdík tájírıbe», – dedí ol.
Spıker auǵan qauymdastyǵynyń ókílderí bastamany qoldaıtynyn jáne halyq arasynda belsendí túsíndíru jūmystaryn júrgízíp jatqanyn jetkízdí.
«Konstıtutsıya – būl memleket pen halyq arasyndaǵy qoǵamdyq kelísím. Sondyqtan ony qalyptastyruǵa ár azamat qatysuy kerek», – dep qosty Daud Mohammad.
«Qazaqstandaǵy ūıǵyr jastarynyń odaǵy» RQB tóraǵasy Rustam Qaıryev te osyǵan ūqsas píkír bíldírdí. Ol qoldanystaǵy konstıtutsıyanyń mańyzyn atap ótíp, ony jańartu qajettígí tuǵanyn aıtty.
«Búgín men 30 jyl boıy azamattardyń qūqyqtaryn qorǵap kelgen konstıtutsıyamyzǵa alǵys aıtqym keledí. Alaıda jańa zaman bízge jańa syn-qaterler júkteıdí, olardy eńseru úshín jańarǵan zań qajet», – deıdí ol.
Rustam Qaıryevtíń aıtuynsha, jańa konstıtutsıya jobasy qoǵam sūranysyn eskeríp, el bolashaǵyna baǵyttalǵan.
«Halyqtyq konstıtutsıya halyq úshín jasalady. Sondyqtan barshańyzdy 15 nauryzda referendumǵa kelíp, tańdau jasauǵa shaqyramyn», – dedí spıker.
Almatydaǵy etnomádenı bírlestíkter ókílderí referendumǵa qatysu – azamattyq jauapkershílíktíń mańyzdy kórínísí árí Qazaqstannyń ornyqty damuy men jańǵyruyna qosylǵan úles degen ortaq píkírge keldí.
