LOT Polish Airlines Almaty turaly arnaıy borttyq jurnal shyǵardy, – dep habarlaıdy aqshamnews.kz tílshísí.
Almaty Europanyń turıstík naryǵynda nasıhattalatyn jańa aqparattyq alańǵa ıe boldy. LOT Polish Airlines áue kompanıyasy qalaǵa arnalǵan arnaıy borttyq jurnal shyǵardy.
Basylym betterínde Almatynyń turıstík áleuetí, kóríktí oryndary, tabıǵı aımaqtary men qalanyń bíregeı kelbetí keńínen tanystyrylǵan. Jurnal Almatyǵa ūshatyn reısterde ǵana emes, Polsha íshíndegí jáne áue kompanıyasynyń Europa elderíne qatynaıtyn halyqaralyq baǵyttarynda da taratylady.
Joba Almaty qalasy Turızm basqarmasy men LOT Polish Airlines áue kompanıyasynyń yntymaqtastyǵy ayasynda júzege asyp, sheteldík sayahatshylar arasynda qalanyń tanymaldylyǵyn arttyruǵa baǵyttalǵan.
Almatynyń turızm salasy ókílderí Polshanyń jetekshí turoperatorlarymen kezdesu de ótkízdí. Taraptar ózara áríptestík múmkíndíkterín talqylap, baılanys ornatyp, Qazaqstan men Polsha arasyndaǵy turıster sanyn arttyruǵa qatysty josparlardy aıqyndady.
Europadaǵy írí áue kompanıyalarynyń bírí shyǵaratyn borttyq jurnalda Almaty turaly aqparattyń jarıyalanuy qalany halyqaralyq audıtorıyaǵa keńínen tanytyp, ekí el arasyndaǵy turıstík árí ískerlík baılanystyń nyǵayuyna serpín beredí.
Eske sala keteıík, 2026 jylǵy 31 mamyrda LOT Polish Airlines áue kompanıyasy Almaty men Varshava arasynda tíkeleı áue reısterín ashty. Reıs aptasyna tórt ret oryndalady.